ءقازىر پەتروپاۆل مەن قىزىلجار اۋدانىندا سۋ تاسقىنىنىڭ ءۇشىنشى تولقىنى ءوتىپ جاتىر،– دەپ حابارلايدى Dalanews.kz
وسىعان بايلانىستى وزەندەر مەن گيدروتەحنيكالىق نىسانداردىڭ جاعدايى تاۋلىك بويى باقىلاۋدا. بارلىق قىزمەتتەر كۇشەيتىلگەن رەجيمدە جۇمىس ىستەۋدە. تاسقىنعا شارالاردى سقو اكىمى عاۋەز نۇرمۇحامبەتوۆ ءوز باقىلاۋىندا ۇستاۋدا.
"تەپليچنوە اۋىلىندا ەلدى مەكەننىڭ قاۋىپسىزدىگىن قامتاماسىز ەتۋ ماقساتىندا قورعانىس بوگەتىن نىعايتۋ بويىنشا الدىن الۋ شارالارى جۇرگىزىلۋدە. بۇل جۇمىستار تۇندە دە جالعاستى. وعان توتەنشە جاعدايلار مينيسترلىگى، ىشكى ىستەر مينيسترلىگى، ۇلتتىق گۆارديا جانە جەرگىلىكتى اتقارۋشى ورگانداردىڭ 900-دەن استام قىزمەتكەرى جۇمىلدىرىلعان. سۋ تاسقىنى جاعدايى ەرەكشە باقىلاۋدا"، - دەپ جازدى وبلىس اكىمى عاۋەز نۇرمۇحامبەتوۆ الەۋمەتتىك جەلىدە.
