Soltústik Qazaqstan oblysynyń densaýlyq saqtaý salasynda mańyzdy oqiǵa — Onkologiialyq ortalyqta qaterli isikti emdeýge arnalǵan innovatsiialy jelilik údetkish ornatyldy,- dep habarlaidy Dalanews.kz
Bul Soltústik Qazaqstanda engizilgen alǵashqy apparat. Bul mańyzdy joba «Qazaqstan halqyna» qorynyń qarjylai qoldaýynyń arqasynda júzege asty. Búgin SQO ákimi men Ǵaýez Nurmuhambetov qordyń tóraiymy Lázzat Shyńǵysbaevamen birge zamanaýi qurylǵynyń múmkindikterimen tanysty.
"Buǵan deiin bizdiń turǵyndar bul qyzmetti alý úshin basqa óńirlerge barýǵa májbúr bolatyn. Endi joǵary tehnologiialy meditsinalyq kómek ózimizde qoljetimdi boldy. Halcyon jelilik údetkish pen sońǵy býyndaǵy jasandy intellekt júiesimen jabdyqtalǵan kompiýterlik tomograf sáýle dozasyn dál eseptep, isiktiń shekarasyn naqty anyqtaýǵa jáne sáýleni tek zaqymdanǵan jasýshalarǵa baǵyttap, saý tinderdi zaqymdamai em júrgizýge múmkindik beredi. Bul emdeýdiń jańa sapalyq deńgeii jáne myńdaǵan naýqas úshin saýyǵýǵa úmit otyn uialatady", - dep jazdy óńir basshysy.
