سولتۇستىك قازاقستان وبلىسىنىڭ دەنساۋلىق ساقتاۋ سالاسىندا ماڭىزدى وقيعا — ونكولوگيالىق ورتالىقتا قاتەرلى ىسىكتى ەمدەۋگە ارنالعان يننوۆاسيالى جەلىلىك ۇدەتكىش ورناتىلدى،- دەپ حابارلايدى Dalanews.kz
بۇل سولتۇستىك قازاقستاندا ەنگىزىلگەن العاشقى اپپارات. بۇل ماڭىزدى جوبا «قازاقستان حالقىنا» قورىنىڭ قارجىلاي قولداۋىنىڭ ارقاسىندا جۇزەگە استى. بۇگىن سقو اكىمى مەن عاۋەز نۇرمۇحامبەتوۆ قوردىڭ ءتورايىمى ءلاززات شىڭعىسبايەۆامەن بىرگە زاماناۋي قۇرىلعىنىڭ مۇمكىندىكتەرىمەن تانىستى.
"بۇعان دەيىن ءبىزدىڭ تۇرعىندار بۇل قىزمەتتى الۋ ءۇشىن باسقا وڭىرلەرگە بارۋعا ءماجبۇر بولاتىن. ەندى جوعارى تەحنولوگيالى مەديسينالىق كومەك وزىمىزدە قولجەتىمدى بولدى. Halcyon جەلىلىك ۇدەتكىش پەن سوڭعى بۋىنداعى جاساندى ينتەللەكت جۇيەسىمەن جابدىقتالعان كومپيۋتەرلىك توموگراف ساۋلە دوزاسىن ءدال ەسەپتەپ، ىسىكتىڭ شەكاراسىن ناقتى انىقتاۋعا جانە ساۋلەنى تەك زاقىمدانعان جاسۋشالارعا باعىتتاپ، ساۋ تىندەردى زاقىمداماي ەم جۇرگىزۋگە مۇمكىندىك بەرەدى. بۇل ەمدەۋدىڭ جاڭا ساپالىق دەڭگەيى جانە مىڭداعان ناۋقاس ءۇشىن ساۋىعۋعا ءۇمىت وتىن ۇيالاتادى"، - دەپ جازدى ءوڭىر باسشىسى.
