Búgin oblys ortalyǵyndaǵy Amfiteatr alańynda Memlekettik rámizder kúnine arnalǵan saltanatty shara ótti. Oǵan aimaq basshysy Nurymbet Saqtaǵanov qatysty. Shara Ánuran shyrqalyp, Memlekettik Týdyń kóterilýimen bastaldy, dep habarlaidy dalanews.kz.
«Memlekettik Tý, Eltańba jáne Ánuran – halqymyzdyń san ǵasyrlyq tarihyn, asqaq rýhyn jáne jarqyn bolashaqqa degen senimin bildiretin qasietti qundylyqtar. Olar árbir qazaqstandyqtyń júreginde Otanǵa degen maqtanysh sezimin oiatyp, el igiligi jolynda adal qyzmet etýge úndeidi. Biz memlekettik rámizderimizdi qadirlei otyryp, egemen elimizdiń gúldenýi men órkendeýi jolynda aianbai eńbek etýimiz kerek. Elimizdiń birligi nyǵaiyp, yntymaǵy arta bersin! Mereke qutty bolsyn!», - dedi oblys ákimi.
Nurymbet Saqtaǵanov óz sózinde Táýelsizdik týyn biik ustaý, memleketimizdiń abyroiyn asqaqtatý – Otan kúzetinde turǵan árbir ulannyń ǵana emes, barsha qazaqstandyqtyń ortaq mindeti ekenin jetkizdi. Odan soń óńirdiń órkendeýine eleýli úles qosqan túrli sala mamandaryn marapattaý rásimi ótti.
Qazaqstan Respýblikasy Prezidentiniń Jarlyǵymen «Qurmet» ordeni Katonqaraǵai aýdanyndaǵy Seiitqamza Lastaev atyndaǵy orta mekteptiń matematika pániniń muǵalimi Nazigúl Jylmasbaevaǵa jáne Ulan aýdanyndaǵy M.Lomonosov atyndaǵy orta mekteptiń aǵylshyn tili pániniń muǵalimi Mainur Eskendirovaǵa tabystaldy. Al «Eren eńbegi úshin» medali Markakól aýdanyndaǵy Qaljyr orta mektebiniń matematika pániniń muǵalimi Janat Jikbaevaǵa, Óskemen qalasyndaǵy Shákárim atyndaǵy №1 orta mekteptiń geografiia pániniń muǵalimi Gúlbaran Ibraevaǵa jáne Glýbokoe aýdanyndaǵy Beloýsovka orta mektebiniń matematika pániniń muǵalimi Elena Sablevaǵa berildi.
Sondai-aq aimaq basshysy jańadan qabyldanǵan jas mamandarǵa memlekettik qyzmetshiniń kýáligin saltanatty túrde tabystady. Ary qarai shara merekelik kontsertke ulasty.
