بٷگٸن وبلىس ورتالىعىنداعى امفيتەاتر الاڭىندا مەملەكەتتٸك رەمٸزدەر كٷنٸنە ارنالعان سالتاناتتى شارا ٶتتٸ. وعان ايماق باسشىسى نۇرىمبەت ساقتاعانوۆ قاتىستى. شارا ەنۇران شىرقالىپ, مەملەكەتتٸك تۋدىڭ كٶتەرٸلۋٸمەن باستالدى, دەپ حابارلايدى dalanews.kz.
«مەملەكەتتٸك تۋ, ەلتاڭبا جەنە ەنۇران – حالقىمىزدىڭ سان عاسىرلىق تاريحىن, اسقاق رۋحىن جەنە جارقىن بولاشاققا دەگەن سەنٸمٸن بٸلدٸرەتٸن قاسيەتتٸ قۇندىلىقتار. ولار ەربٸر قازاقستاندىقتىڭ جٷرەگٸندە وتانعا دەگەن ماقتانىش سەزٸمٸن وياتىپ, ەل يگٸلٸگٸ جولىندا ادال قىزمەت ەتۋگە ٷندەيدٸ. بٸز مەملەكەتتٸك رەمٸزدەرٸمٸزدٸ قادٸرلەي وتىرىپ, ەگەمەن ەلٸمٸزدٸڭ گٷلدەنۋٸ مەن ٶركەندەۋٸ جولىندا ايانباي ەڭبەك ەتۋٸمٸز كەرەك. ەلٸمٸزدٸڭ بٸرلٸگٸ نىعايىپ, ىنتىماعى ارتا بەرسٸن! مەرەكە قۇتتى بولسىن!», - دەدٸ وبلىس ەكٸمٸ.
نۇرىمبەت ساقتاعانوۆ ٶز سٶزٸندە تەۋەلسٸزدٸك تۋىن بيٸك ۇستاۋ, مەملەكەتٸمٸزدٸڭ ابىرويىن اسقاقتاتۋ – وتان كٷزەتٸندە تۇرعان ەربٸر ۇلاننىڭ عانا ەمەس, بارشا قازاقستاندىقتىڭ ورتاق مٸندەتٸ ەكەنٸن جەتكٸزدٸ. ودان سوڭ ٶڭٸردٸڭ ٶركەندەۋٸنە ەلەۋلٸ ٷلەس قوسقان تٷرلٸ سالا ماماندارىن ماراپاتتاۋ رەسٸمٸ ٶتتٸ.
قازاقستان رەسپۋبليكاسى پرەزيدەنتٸنٸڭ جارلىعىمەن «قۇرمەت» وردەنٸ كاتونقاراعاي اۋدانىنداعى سەيٸتقامزا لاستاەۆ اتىنداعى ورتا مەكتەپتٸڭ ماتەماتيكا پەنٸنٸڭ مۇعالٸمٸ نازيگٷل جىلماسباەۆاعا جەنە ۇلان اۋدانىنداعى م.لومونوسوۆ اتىنداعى ورتا مەكتەپتٸڭ اعىلشىن تٸلٸ پەنٸنٸڭ مۇعالٸمٸ ماينۇر ەسكەندٸروۆاعا تابىستالدى. ال «ەرەن ەڭبەگٸ ٷشٸن» مەدالٸ ماركاكٶل اۋدانىنداعى قالجىر ورتا مەكتەبٸنٸڭ ماتەماتيكا پەنٸنٸڭ مۇعالٸمٸ جانات جٸكباەۆاعا, ٶسكەمەن قالاسىنداعى شەكەرٸم اتىنداعى №1 ورتا مەكتەپتٸڭ گەوگرافييا پەنٸنٸڭ مۇعالٸمٸ گٷلباران يبراەۆاعا جەنە گلۋبوكوە اۋدانىنداعى بەلوۋسوۆكا ورتا مەكتەبٸنٸڭ ماتەماتيكا پەنٸنٸڭ مۇعالٸمٸ ەلەنا سابلەۆاعا بەرٸلدٸ.
سونداي-اق ايماق باسشىسى جاڭادان قابىلدانعان جاس ماماندارعا مەملەكەتتٸك قىزمەتشٸنٸڭ كۋەلٸگٸن سالتاناتتى تٷردە تابىستادى. ارى قاراي شارا مەرەكەلٸك كونتسەرتكە ۇلاستى.
