Petropavl qalasynyń Bereke shaǵyn aýdanynda 600 oryndyq jańa mektep ashyldy. Bilim ordasy Memleket basshysynyń tapsyrmasymen júzege asyp jatqan «Keleshek mektepteri» ulttyq jobasy aiasynda salynǵan,- dep habarlaidy Dalanews.kz
Ashylý rásimine oblys ákimi Ǵaýez Nurmuhambetov qatysyp, óskeleń urpaqqa sapaly bilim berý úshin qolaily infraqurylym qalyptastyrýdyń mańyzdylyǵyn atap ótti.
Jańa mektep zamanaýi talaptarǵa tolyq sai: STEM-zerthanalar, robototehnika, horeografiia kabinetteri, kovorking aimaqtary jáne sport zaldarymen jabdyqtalǵan. Oqý úderisinde tsifrlyq tehnologiialar men jasandy intellekt elementteri qoldanylady.
«Zamanaýi mektepterdiń ashylýy – sapaly, qaýipsiz jáne qoljetimdi bilim berý saiasatynyń naqty nátijesi. Bul baǵyttaǵy jumystar jalǵasa beredi», – dedi óńir basshysy.
