Petropavldaǵy «Bereke» shaǵyn aýdany zamanaýi áleýmettik infraqurylymnyń ortalyǵyna ainalyp keledi. Munda jańa arnaiy mektep, balabaqsha jáne sport kesheni ashyldy. Endi bul nysandardyń qataryna 600 oryndyq jaily mektep qosylady, - dep habarlaidy Dalanews.kz.
SQO ákimi Ǵaýez Nurmuhambetov «Berekedegi» jaily mekteptiń qurylys alańynda bolyp, jumystardyń sapasyn tekserdi. Qazir qasbetti qaptaý, ishki injenerlik jelilerdi montajdaý jáne edenderdi quiý jumystary júrgizilip jatyr. Syrtqy injenerlik jeliler tartylǵan, al nysannyń ózi osy jazda paidalanýǵa beriledi.
"Jańa oqý jylynda aýdan oqýshylary keń, zamanaýi jáne yńǵaily bilim ordasynyń esigin ashady. Munda fizika, himiia, biologiia, informatika pánderi boiynsha jańa úlgidegi oqý kabinetteri, sondai-aq STEM-zerthana, robototehnika, interaktivti taqtalar, sheberhanalar jáne keń sport zaldary bolady", - dep jazdy óńir basshysy áleýmettik jelide.
Osyndai zamanaýi bilim berý ortasy byltyr «Orman» shaǵyn aýdanynda ashylǵan jaily mektepte de sátti iske asty.
