پەتروپاۆلداعى «بەرەكە» شاعىن اۋدانى زاماناۋي الەۋمەتتىك ينفراقۇرىلىمنىڭ ورتالىعىنا اينالىپ كەلەدى. مۇندا جاڭا ارنايى مەكتەپ، بالاباقشا جانە سپورت كەشەنى اشىلدى. ەندى بۇل نىسانداردىڭ قاتارىنا 600 ورىندىق جايلى مەكتەپ قوسىلادى، - دەپ حابارلايدى Dalanews.kz.
سقو اكىمى عاۋەز نۇرمۇحامبەتوۆ «بەرەكەدەگى» جايلى مەكتەپتىڭ قۇرىلىس الاڭىندا بولىپ، جۇمىستاردىڭ ساپاسىن تەكسەردى. ءقازىر قاسبەتتى قاپتاۋ، ىشكى ينجەنەرلىك جەلىلەردى مونتاجداۋ جانە ەدەندەردى قۇيۋ جۇمىستارى جۇرگىزىلىپ جاتىر. سىرتقى ينجەنەرلىك جەلىلەر تارتىلعان، ال نىساننىڭ ءوزى وسى جازدا پايدالانۋعا بەرىلەدى.
"جاڭا وقۋ جىلىندا اۋدان وقۋشىلارى كەڭ، زاماناۋي جانە ىڭعايلى ءبىلىم ورداسىنىڭ ەسىگىن اشادى. مۇندا فيزيكا، حيميا، بيولوگيا، ينفورماتيكا پاندەرى بويىنشا جاڭا ۇلگىدەگى وقۋ كابينەتتەرى، سونداي-اق STEM-زەرتحانا، روبوتوتەحنيكا، ينتەراكتيۆتى تاقتالار، شەبەرحانالار جانە كەڭ سپورت زالدارى بولادى"، - دەپ جازدى ءوڭىر باسشىسى الەۋمەتتىك جەلىدە.
وسىنداي زاماناۋي ءبىلىم بەرۋ ورتاسى بىلتىر «ورمان» شاعىن اۋدانىندا اشىلعان جايلى مەكتەپتە دە ءساتتى ىسكە استى.
