Shyǵys Qazaqstan oblysynyń ákimi Nurymbet Saqtaǵanov birinshi orynbasary Jaqsylyq Omarǵa qatysty sybailas jemqorlyq isi boiynsha sot úkimi zańdy kúshine engennen keiin qyzmetinen ketý týraly ótinish jazǵan, dep habarlaidy dalanews.kz.
Bul týraly oblys ákiminiń baspasóz hatshysy Laýra Jaqypova málimdedi.
Onyń aitýynsha, Nurymbet Saqtaǵanov qoldanystaǵy zańnamaǵa sáikes otstavkaǵa ketý týraly ótinishti belgilengen tártippen tapsyrǵan. Alaida ótinish qaralǵannan keiin onyń bul iske qatysy joq ekeni eskerilip, qanaǵattandyrýdan bas tartý týraly sheshim qabyldanǵan.
Baspasóz hatshysynyń málimetinshe, óńir ákiminiń áleýmettik-ekonomikalyq damý baǵytyndaǵy jumysy qalypty rejimde jalǵasyp jatyr.
Aita keteiik, 3 sáýirde Óskemen qalasynyń qylmystyq ister jónindegi aýdanaralyq soty Jaqsylyq Omardy alaiaqtyq pen para alý isi boiynsha kináli dep tanyp, ortasha qaýipsizdik mekemesinde alty jylǵa bas bostandyǵynan aiyrý jazasyn taǵaiyndaǵan edi.
