Tanymal sport jýrnalisi Aslan Qajenov Ulttyq olimpiada komitetiniń prezidenti Gennadii Golovkinge qatysty syni jazba jariialady, dep habarlaidy dalanews.kz.
Aslan Qajenov buǵan deiin Gennadii Golovkin týraly jaǵymsyz pikir bildirmegenin, kerisinshe ony erekshe qurmettegenin jazǵan. Alaida, jýrnalistiń aitýynsha, boks sessiiasynan keiingi kezdesýden soń onyń Golovkinge degen kózqarasy ózgergen.
"Boks sessiiasynan keiin amandasyp jatsam, "besstyijyi" deidi. Dańqty chempion shyǵarsyń. Biraq adam bolyp qalý kerek. Bir eldiń atynan kelgen soń, sol eldiń múddesi úshin kúiip-pisip, sol eldiń sportshylarmen birge qýanyp, birge muńaiyp júrgen bir qazaqtyń balasymyn. Bizde de namys bar. Bizde de aryn bar. Shyndyqty aittym. Shyndyqty aitamyn. Saǵan men týraly kim ne degenin bilmeimin. Ósek-aiańǵa ere bermei, naqty jumyspen ainalys! Viktoriianyń jeńisin qaitar! Iasminanyń altynyn qaitar!" - dep ashyndy ol.
Aslan Qajenov óz jazbasynda Golovkin otandastaryna sózben qysym kórsetpeýi keregin aityp, ony sporttaǵy naqty máselelermen ainalysýǵa shaqyrdy.
Aita keteiik, Gennadii Golovkin 2024 jyly aqpanda Ulttyq olimpiada komitetiniń prezidenti bolyp sailanǵan edi.
Eske salaiyq, qazir Aichi-Nagoiada (Japoniia) Aziia oiyndary ótip jatyr. Aziadada qazaqstandyq sportshylarǵa qatysty birneshe daýly jaǵdai tirkeldi:
- XX jazǵy Aziia oiyndarynda Iasmina Toqsanbaeva sporttyq júristen 42,195 shaqyrymdy (ýaqyty - 3:22:20) birinshi baǵyndyrdy. Nátijesinde Aziia oiyndarynda Qazaqstan qorjynyna altyn júlde ákeldi. Alaida Iasmina jarysta kigen aiaq kiim modeli World Athletics uiymynyń ruqsat etilgen aiaq kiimder tiziminde bolmaǵan. Osylaisha, qazaqstandyq sportshy Aziadada krossovkanyń kesirinen altynnan aiyryldy.
-
Al boksshy Viktoriia Grafeeva Aziia oiyndarynda 1/8 finalda Taibei ókili Lin Iýitinmen kezdesti. Úsh raýndtyń qorytyndysy boiynsha tóreshilerdiń sheshimimen jeńis Viktoriia Grafeevanyń qarsylasyna berildi.
