تانىمال سپورت جۋرناليسٸ اسلان قاجەنوۆ ۇلتتىق وليمپيادا كوميتەتٸنٸڭ پرەزيدەنتٸ گەنناديي گولوۆكينگە قاتىستى سىني جازبا جارييالادى, دەپ حابارلايدى dalanews.kz.
اسلان قاجەنوۆ بۇعان دەيٸن گەنناديي گولوۆكين تۋرالى جاعىمسىز پٸكٸر بٸلدٸرمەگەنٸن, كەرٸسٸنشە ونى ەرەكشە قۇرمەتتەگەنٸن جازعان. الايدا, جۋرناليستٸڭ ايتۋىنشا, بوكس سەسسيياسىنان كەيٸنگٸ كەزدەسۋدەن سوڭ ونىڭ گولوۆكينگە دەگەن كٶزقاراسى ٶزگەرگەن.
"بوكس سەسسيياسىنان كەيٸن امانداسىپ جاتسام, "بەسستىيجىي" دەيدٸ. داڭقتى چەمپيون شىعارسىڭ. بٸراق ادام بولىپ قالۋ كەرەك. بٸر ەلدٸڭ اتىنان كەلگەن سوڭ, سول ەلدٸڭ مٷددەسٸ ٷشٸن كٷيٸپ-پٸسٸپ, سول ەلدٸڭ سپورتشىلارمەن بٸرگە قۋانىپ, بٸرگە مۇڭايىپ جٷرگەن بٸر قازاقتىڭ بالاسىمىن. بٸزدە دە نامىس بار. بٸزدە دە ارىن بار. شىندىقتى ايتتىم. شىندىقتى ايتامىن. ساعان مەن تۋرالى كٸم نە دەگەنٸن بٸلمەيمٸن. ٶسەك-اياڭعا ەرە بەرمەي, ناقتى جۇمىسپەن اينالىس! ۆيكتورييانىڭ جەڭٸسٸن قايتار! ياسمينانىڭ التىنىن قايتار!" - دەپ اشىندى ول.
اسلان قاجەنوۆ ٶز جازباسىندا گولوۆكين وتانداستارىنا سٶزبەن قىسىم كٶرسەتپەۋٸ كەرەگٸن ايتىپ, ونى سپورتتاعى ناقتى مەسەلەلەرمەن اينالىسۋعا شاقىردى.
ايتا كەتەيٸك, گەنناديي گولوۆكين 2024 جىلى اقپاندا ۇلتتىق وليمپيادا كوميتەتٸنٸڭ پرەزيدەنتٸ بولىپ سايلانعان ەدٸ.
ەسكە سالايىق, قازٸر ايچي-ناگويادا (جاپونييا) ازييا ويىندارى ٶتٸپ جاتىر. ازيادادا قازاقستاندىق سپورتشىلارعا قاتىستى بٸرنەشە داۋلى جاعداي تٸركەلدٸ:
- XX جازعى ازييا ويىندارىندا ياسمينا توقسانباەۆا سپورتتىق جٷرٸستەن 42,195 شاقىرىمدى (ۋاقىتى - 3:22:20) بٸرٸنشٸ باعىندىردى. نەتيجەسٸندە ازييا ويىندارىندا قازاقستان قورجىنىنا التىن جٷلدە ەكەلدٸ. الايدا ياسمينا جارىستا كيگەن اياق كيٸم مودەلٸ World Athletics ۇيىمىنىڭ رۇقسات ەتٸلگەن اياق كيٸمدەر تٸزٸمٸندە بولماعان. وسىلايشا, قازاقستاندىق سپورتشى ازيادادا كروسسوۆكانىڭ كەسٸرٸنەن التىننان ايىرىلدى.
-
ال بوكسشى ۆيكتورييا گرافەەۆا ازييا ويىندارىندا 1/8 فينالدا تايبەي ٶكٸلٸ لين يۋيتينمەن كەزدەستٸ. ٷش راۋندتىڭ قورىتىندىسى بويىنشا تٶرەشٸلەردٸڭ شەشٸمٸمەن جەڭٸس ۆيكتورييا گرافەەۆانىڭ قارسىلاسىنا بەرٸلدٸ.
