Qazaqstannyń sport salasyna sońǵy alty jylda shamamen 1,4 trillion teńge jumsalǵan. Al biyl jáne aldaǵy eki jylǵa biýdjetten taǵy 1,3 trillion teńge bólý josparlanyp otyr. Bul, máselen sporttyq kórsetkishteri bizden eki ese jaqsy Niderlandydaǵy osy salaǵa bólingen qarajattan birneshe ese artyq, dep habarlaidy Dalanews.kz.
Bul málimetter 2024 jyly 7 qazanda Sybailas jemqorlyqqa qarsy qyzmettiń Týrizm jáne sport ministrligimen birlesip sportty qarjylandyrý salasyndaǵy jemqorlyq táýekelderine júrgizgen syrtqy taldaýynda keltirilgen.
Syrty taldaý málimetinshe, sport salasyn qarjylandyrýda 2018 jyly 165 mlrd teńge, 2019 jyly 204 mlrd teńge, 2020 jyly 177 mlrd teńge, 2021 jyly 223 mlrd teńge, 2022 jyly 296 mlrd teńge, 2023 jyly 340 mlrd teńge bólingen. Al biyl jáne aldaǵy eki jylǵa biýdjetten taǵy 1,3 trillion teńge bólý josparlanyp otyr.
"Qazaqstan sportyna joǵary jetistikterdiń aqshalai "quiylý" kólemi osy maqsattarǵa bólinetin Ortalyq Aziia jáne alys shet elderdiń (Kanada, Norvegiia, Niderlandy) biýdjetterinen birneshe ese artyq", delingen taldaýda.
Soǵan qaramastan, Qazaqstan Olimpiada oiyndary boiynsha medaldyq esepte tómengi orynda keledi. Atap aitqanda, 2020 jyly – 83 oryn (8 qola medal), 2022 jyly – 0 medal, 2024 jydly – 43 oryn (1 – altyn, 3 – kúmis, 3 – qola)) jáne Dúniejúzilik sport reitingisindegi kórsekishteri de kóz qýantpaidy: 2014 jyly – 25-oryn,2018 jyly – 47-oryn, 2023 jyly - 42-oryn.
"Buǵan sebep - memlekettik qarajatty utymsyz jumsaýǵa jáne jymqyrýǵa yqpal etetin júieli jemqorlyq táýekelderi negiz. Onyń ústine otandyq sportty damytýdyń qoldanystaǵy saiasaty otandyq sportshylardy tiimdi daiarlaýǵa baǵyttalmaǵan. Iaǵni, sheteldik oiynshylardy paidalaný arqyly qol jetkizilgen qysqa merzimdi jetistikterge nazar aýdarylady, al jeke sporttyq kadrlardy damytý boiynsha júieli jumys jetkiliksiz bolyp otyr", delinedi zertteý qujatynda.
Mysaly, táýelsizdik jyldary Qazaqstan olimpiadalyq sport túrlerine 126 sheteldikti satyp aldy, olardyń árqaisysy keiinnen óz eline oralǵan.
"Qazaqstannyń buqaralyq sportqa jumsaǵan shyǵystary joǵary jetistikter sportyna qaraǵanda 9 ese az (35 mlrd teńgege qarsy 340 mlrd teńge). Mysaly, halqy az Niderlandyda (17,8 million) buqaralyq sportqa jumsalatyn shyǵyndar kásibi sportqa (246 million dollar) qaraǵanda eki ese kóp (497 million dollar). Sonymen qatar, bul eldiń sportshylary Olimpiada oiyndarynda joǵary nátije kórsetýde.Niderlandymen salystyrǵanda Qazaqstan joǵary jetistikter sportyna úsh ese kóp, al buqaralyq sportqa 7 ese az jumsaidy", delingen Antikor taldaýynda.
Qazaqstan Respýblikasynyń dene shynyqtyrý men sportty damytýdyń 2023 – 2029 jyldarǵa arnalǵan tujyrymdamasyna engizilgen buqaralyq sport túrlerin damytý kórsetkishteri formaldy sipatqa ie ekeni de zertteýde basa kórsetilgen. Sondyqtan joǵary jetistikter sportynda basym sport túrleriniń bolmaýyna bailanysty tanymal emes jáne nátijesiz sport túrleri qarjylandyrylady.
"2023 jyly sporttyń 31 túrinen birde-bir medal bolmady. 2024 jyly qarjylandyrylatyn baǵyttardyń sany 141 túrge deiin ósti. Máselen, jazǵy olimpiadalyq sport túrleri boiynsha Qazaqstan 44 túrdi, qysqy sport túrleri boiynsha – 13 túrdi damytady. Joǵary jetistikter sportynyń qarjylandyrylatyn baǵyttarynyń shamamen 60%-y Olimpiadalyq emes baǵyttarǵa jatady - 84 (141-den). Jyl saiyn bul túrlerdi damytýǵa – 18 mlrd teńge jumsalady (2023 jyly olimpiadalyq túrlerge – 296 mlrd teńge, olimpiadalyq emes túrlerge - 18, ózge shyǵystarǵa - 11 mlrd teńge)".
Taldaý qorytyndysynda qazirgi zamanǵy sport nysandarynyń jetispeýshiligi sportshylardy sapaly daiarlaý múmkindigin shekteitinin, bul ásirese sporttyq nysandar jii qoljetimdi emes nemese qanaǵattanarlyqsyz jaǵdaida bolatyn aimaqtarda baiqalatyny aitylady.
"Qazaqstan Respýblikasynyń dene shynyqtyrý men sportty damytýdyń 2023 – 2029 jyldarǵa arnalǵan tujyrymdamasy kádimgi jaiaý júrginshiler joldary men velosiped joldarynyń tapshylyǵyna baǵyttalǵan. Al bul kezde elimiz boiynsha 374,2 myń sharshy metr jabyq sport ǵimarattarynyń, 376,4 myń sharshy metr basseinderdiń tapshylyǵy baiqalady (Almaty, Astana, Túrkistan jáne Almaty oblystaryndaǵy eń úlken tapshylyq)", delinedi zertteýde.
Zertteý málimetinshe, Qazaqstanda sport keshenderi men fýtbol akademiialaryn salýdan góri sporttyq uiymdar aqshany legionerlerdi ustaýǵa kóp aqsha jumsaidy.
Mysaly, eń qymbat "Astana" fýtbol klýbynyń ózinde ózindik fýtbol akademiiasy men infraqurylymy joq. Alty jyl ishinde (2018-2023 jj.) klýb fýtbol alańdary men úi-jailardy jalǵa alýǵa 1,4 mlrd teńge jumsapty.
"Halyqaralyq jarystarǵa qatysý úshin sportshylardy ashyq irikteý tetigi qarastyrylmaǵan. Joǵary jetistikter sport salasyndaǵy protsester múlde tsifrlandyrylmaǵan. 2020 jyly E-sport ulttyq tsifrlyq platformasyn engizýge josparlanǵan ázirlik áli júrgizilgen joq. Al tsifrlandyrýdyń bolmaýy jalǵan sportshylarǵa sporttyq ataqtar berýge, jarystarǵa qatysý úshin sportshylardy irikteýde burmalaýǵa jol beredi. Atalǵan faktorlar saldarynan sport keshenderin jalǵa alý, legionrler aqysyn asyra baǵalaý syndy iste ótirik, qaǵaz júzinde ras esepterdiń túzilýine túrtki", delingen taldaýda.
Taldaý qorytyndysy boiynsha sportty damytý basymdyqtaryn qaita qaraý, buqaralyq jáne balalar sportyna biýdjetti ulǵaitý, qarjylandyrýdy ortalyqtandyrý, óz infraqurylymyn jáne balalar akademiialaryn damytý, sondai-aq tsifrlandyrýdy engizý boiynsha usynystar engizildi.
