Tanymal ánshi Toqtar Serikov ázilkesh Tursynbek Qabatovtyń jeke kontsertinde sóz sóilep, onyń tóńiregindegi daýǵa qatysty pikirin aitty, dep habarlaidy dalanews.kz.
Malim.kz habarlaýynsha, óner iesi dosynyń jeke ómirine bailanysty taraǵan áńgimelerge toqtalyp, kópshilikti sabyr saqtaýǵa shaqyrdy.
Toqtar Serikov el arasynda tanymal adamdardyń ómiri jii talqyǵa túsetinin aityp, kópshilik jaqsy kórgen tulǵasyn keide ózi synap, keiin qaita qoldaýǵa tyrysatynyn jetkizdi.
"Ózimiz jaqsy kóremiz, ózimiz ósek qylamyz. Ózimiz jaralaimyz. Jarasynan qany aqqan kezde qaityp tanyp, emdep alamyz. Bul qazaqtan basqa halyqta joq qasiet. Ózderińiz jaralap alǵan úlken qustyń jaraqatyn qaitadan ózderińiz jazyńyzdar", – dedi ánshi.
Sondai-aq ol ózine qatysty da túrli pikirler aitylatynyn ázilmen jetkizdi. Óner iesi adamdardy bir-birin tiri kezinde baǵalap, jaqsy sóz aitýǵa shaqyrdy.
"Meni de dymymdy qaldyrmai jazyp jatady: "qatynyn maqtai beredi" dep. Jalǵyz mańdaiǵa bitken bir qatynym, ne isteimin endi? Ólgennen keiin emes, tiri kezimizde bir-birimizge jaqsy adam dep aitaiyq", – dedi Toqtar Serikov.
Jeli qoldanýshylary ánshiniń bul sózine qatysty túrli pikir bildirdi. Biri onyń aitqanyn oryndy dep qoldasa, endi biri Tursynbek Qabatovqa qatysty jaǵdaidy aqtaýǵa bolmaitynyn jazdy.
"Janym Toqtar aǵa, aman bolyńyzshy", "Óte aqyldy azamat", "Aitqanyńyz oryndy, biraq Móldirdi jylatqany durys emes", "Mine, naǵyz azamat" degen pikirler qaldyrǵandar bar.
