تانىمال ەنشٸ توقتار سەرٸكوۆ ەزٸلكەش تۇرسىنبەك قاباتوۆتىڭ جەكە كونتسەرتٸندە سٶز سٶيلەپ, ونىڭ تٶڭٸرەگٸندەگٸ داۋعا قاتىستى پٸكٸرٸن ايتتى, دەپ حابارلايدى dalanews.kz.
Malim.kz حابارلاۋىنشا, ٶنەر يەسٸ دوسىنىڭ جەكە ٶمٸرٸنە بايلانىستى تاراعان ەڭگٸمەلەرگە توقتالىپ, كٶپشٸلٸكتٸ سابىر ساقتاۋعا شاقىردى.
توقتار سەرٸكوۆ ەل اراسىندا تانىمال ادامداردىڭ ٶمٸرٸ جيٸ تالقىعا تٷسەتٸنٸن ايتىپ, كٶپشٸلٸك جاقسى كٶرگەن تۇلعاسىن كەيدە ٶزٸ سىناپ, كەيٸن قايتا قولداۋعا تىرىساتىنىن جەتكٸزدٸ.
"ٶزٸمٸز جاقسى كٶرەمٸز, ٶزٸمٸز ٶسەك قىلامىز. ٶزٸمٸز جارالايمىز. جاراسىنان قانى اققان كەزدە قايتىپ تانىپ, ەمدەپ الامىز. بۇل قازاقتان باسقا حالىقتا جوق قاسيەت. ٶزدەرٸڭٸز جارالاپ العان ٷلكەن قۇستىڭ جاراقاتىن قايتادان ٶزدەرٸڭٸز جازىڭىزدار", – دەدٸ ەنشٸ.
سونداي-اق ول ٶزٸنە قاتىستى دا تٷرلٸ پٸكٸرلەر ايتىلاتىنىن ەزٸلمەن جەتكٸزدٸ. ٶنەر يەسٸ ادامداردى بٸر-بٸرٸن تٸرٸ كەزٸندە باعالاپ, جاقسى سٶز ايتۋعا شاقىردى.
"مەنٸ دە دىمىمدى قالدىرماي جازىپ جاتادى: "قاتىنىن ماقتاي بەرەدٸ" دەپ. جالعىز ماڭدايعا بٸتكەن بٸر قاتىنىم, نە ٸستەيمٸن ەندٸ? ٶلگەننەن كەيٸن ەمەس, تٸرٸ كەزٸمٸزدە بٸر-بٸرٸمٸزگە جاقسى ادام دەپ ايتايىق", – دەدٸ توقتار سەرٸكوۆ.
جەلٸ قولدانۋشىلارى ەنشٸنٸڭ بۇل سٶزٸنە قاتىستى تٷرلٸ پٸكٸر بٸلدٸردٸ. بٸرٸ ونىڭ ايتقانىن ورىندى دەپ قولداسا, ەندٸ بٸرٸ تۇرسىنبەك قاباتوۆقا قاتىستى جاعدايدى اقتاۋعا بولمايتىنىن جازدى.
"جانىم توقتار اعا, امان بولىڭىزشى", "ٶتە اقىلدى ازامات", "ايتقانىڭىز ورىندى, بٸراق مٶلدٸردٸ جىلاتقانى دۇرىس ەمەس", "مٸنە, ناعىز ازامات" دەگەن پٸكٸرلەر قالدىرعاندار بار.
