Sport kúni merekesine orai elordada otandyq dene shynyqtyrý men sportty damytýǵa úles qosqan úzdik mamandardy marapattaý rásimi ótti,- dep habarlaidy Dalanews.kz
Týrizm jáne sport ministri Erbol Myrzabosynov jiynǵa qatysýshylardy kásibi merekemen quttyqtap, el sportynyń damýyna úles qosyp júrgen jandardyń eńbeginiń mańyzyna toqtaldy.
«Sport – tek halyqaralyq arenadaǵy jetistikter ǵana emes, sonymen qatar jattyqtyrýshylardyń, mamandardyń jáne osy salany damytýǵa úles qosyp júrgen barsha azamattyń úlken eńbegi. Dál sizderdiń janqiiarlyq, kásibilik jáne óz isterińizge degen súiispenshiliktiń arqasynda biz osyndai tabysqa jetip, Qazaqstandy sport alpaýyty retindegi bedelin nyǵaityp kelemiz. Búgin biz óskeleń urpaqqa úlgi bolyp, eldiń sport qaýymdastyǵyn shabyttandyrǵan jandarǵa qurmet kórsetemiz», – dedi ministr.
Saltanatty rásim barysynda jattyqtyrýshylar, mamandar jáne sportshylar arnaiy marapattarǵa ie boldy.
«Qurmetti sport qyzmetkeri» tósbelgisimen marapattalǵandar:
• Rústem Qaziev – «Qysqy sport túrleri boiynsha olimpiadalyq daiarlaý ortalyǵy» RMQK direktorynyń orynbasary;
• Angelina Lýkas – kásipqoi boksshy;
• Aibat Seiten – qazaq kúresinen áielder ulttyq quramasynyń aǵa jattyqtyrýshysy;
• Bogdan Veselskii – «Dene múmkindikteri shekteýli tulǵalarǵa arnalǵan sporttyq daiarlaý ortalyǵy» RMQK jeńil atletikadan aǵa jattyqtyrýshysy;
• Qonysbek Túkenov – «Kúres túrleri boiynsha olimpiadalyq daiarlaý ortalyǵy» RMQK grek-rim kúresinen jastar quramasynyń aǵa jattyqtyrýshysy;
• Qarlyǵash Balabekova – «Kúres túrleri boiynsha olimpiadalyq daiarlaý ortalyǵy» RMQK qujattamalyq qamtamasyz etý inspektory;
• Oleg Gritsenko – «Astana» olimpiadalyq daiarlaý ortalyǵy» RMQK velotrek mehanigi.
«Dene shynyqtyrý men sportty damytýǵa sińirgen eńbegi úshin» tósbelgisimen marapattalǵandar:
• Nurlybek Ermaǵanbetov – qol kúresinen jattyqtyrýshy;
• Marhabat Esimseitova – «Kúres túrleri boiynsha olimpiadalyq daiarlaý ortalyǵy» RMQK qujattamalyq qamtamasyz etý inspektory;
• Qadyrbek Qabdýlov – Qajymuqan Muńaitpasov atyndaǵy olimpiada rezerviniń respýblikalyq mektep-internat-kolledjiniń sport ádiskeri;
• Gaýhar Mamyrbaeva – «Ulttyq sporttyq meditsina jáne ońaltý ortalyǵy» RMM-niń Astana qalasy filialynyń sporttyq meditsina dárigeri.
Eske sala keteiik, Qazaqstanda Sport kúni jyl saiyn tamyzdyń úshinshi jeksenbisinde atap ótiledi. Biyl mereke aiasynda elimizdiń barlyq aimaǵynda 150-den astam is-shara uiymdastyrylyp, negizgi basymdyq sport ardagerlerin ulyqtaýǵa, balalarǵa arnalǵan sporttyq is-sharalarǵa jáne buqaralyq sportty damytýǵa baǵyttaldy.
