Kókshetaý qalalyq soty jol qozǵalysy erejesin buzyp, abaisyzda adam ólimine ákep soqqan áielge qatysty qylmystyq isti qarady, dep habarlaidy dalanews.kz.
Sot málimetinshe, mamyrda S. júrgizýshi kýáligi bolmaǵanyna qaramastan, Kókshetaý qalasynda kólik basqarǵan. Turǵyn úi aýlasyna burylý kezinde ol jaiaý júrginshi Sh.-ny qaǵyp ketken. Sonyń saldarynan jábirlenýshi aýyr jaraqat alyp, aýrýhanada kóz jumǵan.
Sot barysynda S. kólik júrgizýge quqyǵy bolmaǵanyn moiyndady. Ol kólik tizginine jubaiynyń jaǵdaiy kúrt nasharlap ketkendikten jáne onyń ruqsatymen otyrǵanyn túsindirdi.
Jábirlenýshi tarap sottan S.-ny bas bostandyǵynan aiyrmaýdy surap, keltirilgen shyǵyn tolyq ótelgenin jáne keshirim suralǵanyn aitty.
Alaida sot júrgizýshi kýáligi joq adamnyń kólik basqarýy jáne jol qozǵalysy erejesin buzyp, adam ólimine sebep bolǵanyn eskerdi.
Sot úkimimen S.-ǵa 2 jyl 6 aiǵa bas bostandyǵynan aiyrý jazasy taǵaiyndaldy. Alaida onyń eki balasy bolǵandyqtan, zań talaptaryna sáikes jazany óteý merzimi 3 jylǵa shegerildi.
Sot aktisi ázirge zańdy kúshine engen joq.
