سپورت كٷنٸ مەرەكەسٸنە وراي ەلوردادا وتاندىق دەنە شىنىقتىرۋ مەن سپورتتى دامىتۋعا ٷلەس قوسقان ٷزدٸك مامانداردى ماراپاتتاۋ رەسٸمٸ ٶتتٸ,- دەپ حابارلايدى Dalanews.kz
تۋريزم جەنە سپورت مينيسترٸ ەربول مىرزابوسىنوۆ جيىنعا قاتىسۋشىلاردى كەسٸبي مەرەكەمەن قۇتتىقتاپ, ەل سپورتىنىڭ دامۋىنا ٷلەس قوسىپ جٷرگەن جانداردىڭ ەڭبەگٸنٸڭ ماڭىزىنا توقتالدى.
«سپورت – تەك حالىقارالىق ارەناداعى جەتٸستٸكتەر عانا ەمەس, سونىمەن قاتار جاتتىقتىرۋشىلاردىڭ, مامانداردىڭ جەنە وسى سالانى دامىتۋعا ٷلەس قوسىپ جٷرگەن بارشا ازاماتتىڭ ٷلكەن ەڭبەگٸ. دەل سٸزدەردٸڭ جانقييارلىق, كەسٸبيلٸك جەنە ٶز ٸستەرٸڭٸزگە دەگەن سٷيٸسپەنشٸلٸكتٸڭ ارقاسىندا بٸز وسىنداي تابىسقا جەتٸپ, قازاقستاندى سپورت الپاۋىتى رەتٸندەگٸ بەدەلٸن نىعايتىپ كەلەمٸز. بٷگٸن بٸز ٶسكەلەڭ ۇرپاققا ٷلگٸ بولىپ, ەلدٸڭ سپورت قاۋىمداستىعىن شابىتتاندىرعان جاندارعا قۇرمەت كٶرسەتەمٸز», – دەدٸ مينيستر.
سالتاناتتى رەسٸم بارىسىندا جاتتىقتىرۋشىلار, ماماندار جەنە سپورتشىلار ارنايى ماراپاتتارعا يە بولدى.
«قۇرمەتتٸ سپورت قىزمەتكەرٸ» تٶسبەلگٸسٸمەن ماراپاتتالعاندار:
• رٷستەم قازيەۆ – «قىسقى سپورت تٷرلەرٸ بويىنشا وليمپيادالىق دايارلاۋ ورتالىعى» رمقك ديرەكتورىنىڭ ورىنباسارى;
• انگەلينا لۋكاس – كەسٸپقوي بوكسشى;
• ايبات سەيتەن – قازاق كٷرەسٸنەن ەيەلدەر ۇلتتىق قۇراماسىنىڭ اعا جاتتىقتىرۋشىسى;
• بوگدان ۆەسەلسكيي – «دەنە مٷمكٸندٸكتەرٸ شەكتەۋلٸ تۇلعالارعا ارنالعان سپورتتىق دايارلاۋ ورتالىعى» رمقك جەڭٸل اتلەتيكادان اعا جاتتىقتىرۋشىسى;
• قونىسبەك تٷكەنوۆ – «كٷرەس تٷرلەرٸ بويىنشا وليمپيادالىق دايارلاۋ ورتالىعى» رمقك گرەك-ريم كٷرەسٸنەن جاستار قۇراماسىنىڭ اعا جاتتىقتىرۋشىسى;
• قارلىعاش بالابەكوۆا – «كٷرەس تٷرلەرٸ بويىنشا وليمپيادالىق دايارلاۋ ورتالىعى» رمقك قۇجاتتامالىق قامتاماسىز ەتۋ ينسپەكتورى;
• ولەگ گريتسەنكو – «استانا» وليمپيادالىق دايارلاۋ ورتالىعى» رمقك ۆەلوترەك مەحانيگٸ.
«دەنە شىنىقتىرۋ مەن سپورتتى دامىتۋعا سٸڭٸرگەن ەڭبەگٸ ٷشٸن» تٶسبەلگٸسٸمەن ماراپاتتالعاندار:
• نۇرلىبەك ەرماعانبەتوۆ – قول كٷرەسٸنەن جاتتىقتىرۋشى;
• مارحابات ەسٸمسەيتوۆا – «كٷرەس تٷرلەرٸ بويىنشا وليمپيادالىق دايارلاۋ ورتالىعى» رمقك قۇجاتتامالىق قامتاماسىز ەتۋ ينسپەكتورى;
• قادىربەك قابدۋلوۆ – قاجىمۇقان مۇڭايتپاسوۆ اتىنداعى وليمپيادا رەزەرۆٸنٸڭ رەسپۋبليكالىق مەكتەپ-ينتەرنات-كوللەدجٸنٸڭ سپورت ەدٸسكەرٸ;
• گاۋحار مامىرباەۆا – «ۇلتتىق سپورتتىق مەديتسينا جەنە وڭالتۋ ورتالىعى» رمم-نٸڭ استانا قالاسى فيليالىنىڭ سپورتتىق مەديتسينا دەرٸگەرٸ.
ەسكە سالا كەتەيٸك, قازاقستاندا سپورت كٷنٸ جىل سايىن تامىزدىڭ ٷشٸنشٸ جەكسەنبٸسٸندە اتاپ ٶتٸلەدٸ. بيىل مەرەكە اياسىندا ەلٸمٸزدٸڭ بارلىق ايماعىندا 150-دەن استام ٸس-شارا ۇيىمداستىرىلىپ, نەگٸزگٸ باسىمدىق سپورت ارداگەرلەرٸن ۇلىقتاۋعا, بالالارعا ارنالعان سپورتتىق ٸس-شارالارعا جەنە بۇقارالىق سپورتتى دامىتۋعا باعىتتالدى.
