«Qazaqmys» Toby Jezqazǵan jáne Balqash baiytý fabrikalaryndaǵy usaqtaý jabdyǵyn baqylaý júiesin jańǵyrtý jobasyn júzege asyrýda. Jańa tsifrlyq sheshim jabdyqtyń jaǵdaiyn naqty ýaqyt rejiminde baqylaýǵa, yqtimal aqaýdy der kezinde anyqtaýǵa jáne óndiristik úderistiń senimdiligin arttyrýǵa múmkindik beredi, dep habarlaidy dalanews.kz.
Joba kompaniia kásiporyndaryn tehnologiialyq jańǵyrtý baǵdarlamasynyń bir bóligi bolyp tabylady jáne jabdyqty paidalaný tiimdiligin arttyrýǵa, jospardan tys toqtap qalý táýekelin azaitýǵa ári boljamdy qyzmet kórsetý quraldaryn damytýǵa baǵyttalǵan.
Jezqazǵan baiytý fabrikasynda jańǵyrtý jumysy tolyq aiaqtaldy. Ortasha jáne usaq bólshekteý bólimderindegi jabdyqtardyń jumysy týraly derek naqty ýaqyt rejiminde biryńǵai dispetcherlik monitoring júiesine túsip otyrady. Bul jabdyqtyń tehnikalyq jaǵdaiyn jedel baqylaýǵa jáne olarǵa qyzmet kórsetý boiynsha sheshimdi der kezinde qabyldaýǵa múmkindik beredi.
Balqash baiytý fabrikasynda joba qarqyndy iske asyrylýda. Qazirgi ýaqytta basqarý shkaftary qurastyrylyp jatyr. Odan keiin jabdyqty montajdaý, baǵdarlamalyq jabdyqtamany baptaý, sondai-aq elektr qozǵaltqyshtarynyń temperatýrasy, dirili men júktemesin baqylaityn zamanaýi baqylaý quraly ornatylady. Jobany aiaqtaý 2026 jyldyń tórtinshi toqsanyna josparlanǵan.
Joba aiaqtalǵannan keiin eki fabrikada da usaqtaý jabdyǵynyń jumysyna úzdiksiz tsifrlyq monitoring júrgiziledi. Júie mehanizmderdiń jumysyndaǵy aýytqýdy erte kezeńde anyqtaýǵa, aqaýdyń damýyna jol bermeýge, apattyq jóndeý kólemin azaitýǵa jáne jabdyqtyń qyzmet etý merzimin uzartýǵa yqpal etedi.
Joba baiytý fabrikalarynyń óndiristik turaqtylyǵyn qamtamasyz etý turǵysynan erekshe mańyzǵa ie. Sebebi usaqtaý jabdyǵynyń senimdi jumysy óndiristik úderistiń úzdiksizdigi men josparly kórsetkishterdiń oryndalýyna tikelei áser etedi.
Zamanaýi tsifrlyq sheshimderdi engizý óndiristik aktivterdi jańǵyrtý baǵdarlamasynyń mańyzdy baǵyty bolyp tabylady. Qazaqmys jabdyqtyń senimdiligin, óndiristik qaýipsizdikti jáne kásiporyn jumysynyń tiimdiligin arttyrýǵa baǵyttalǵan óndiristik monitoring pen avtomattandyrý tehnologiialaryn kezeń-kezeńimen engizip jatyr.
