Qaraǵandy oblysynyń Álihan Bókeihan aýdanynda egde jastaǵy azamattardy aldaǵan turǵynǵa sot úkimi shyqty, dep habarlaidy dalanews.kz.
Tergeý barysynda aiyptalýshy internet arqyly qart adamdardyń bailanys nómirlerin taýyp, olarǵa qońyraý shalǵany anyqtalǵan. Ol ózin naqty tanystyrmai sóilesken. Al qońyraý shalǵan adamnyń kim ekenin bilmek bolǵan jábirlenýshiler ony shetelde turatyn týystarynyń biri dep oilaǵan.
Osyny paidalanǵan kúdikti túrli syltaýmen aqsha surap, qarjyny kýrer arqyly jiberýge kóndirgen. Keiin aqshany ózi alyp, izin sýytqan.
Alaiaqtyń áreketinen 10 azamat zardap shekken. Keltirilgen shyǵyn kólemi 50 myń teńgeden 1 mln 750 myń teńgege deiin jetken.
Sot er adamdy alaiaqtyq jasaǵany úshin kináli dep tanyp, 4 jyl 7 aiǵa bas bostandyǵynan aiyrdy.
