قاراعاندى وبلىسىنىڭ ەليحان بٶكەيحان اۋدانىندا ەگدە جاستاعى ازاماتتاردى الداعان تۇرعىنعا سوت ٷكٸمٸ شىقتى, دەپ حابارلايدى dalanews.kz.
تەرگەۋ بارىسىندا ايىپتالۋشى ينتەرنەت ارقىلى قارت ادامداردىڭ بايلانىس نٶمٸرلەرٸن تاۋىپ, ولارعا قوڭىراۋ شالعانى انىقتالعان. ول ٶزٸن ناقتى تانىستىرماي سٶيلەسكەن. ال قوڭىراۋ شالعان ادامنىڭ كٸم ەكەنٸن بٸلمەك بولعان جەبٸرلەنۋشٸلەر ونى شەتەلدە تۇراتىن تۋىستارىنىڭ بٸرٸ دەپ ويلاعان.
وسىنى پايدالانعان كٷدٸكتٸ تٷرلٸ سىلتاۋمەن اقشا سۇراپ, قارجىنى كۋرەر ارقىلى جٸبەرۋگە كٶندٸرگەن. كەيٸن اقشانى ٶزٸ الىپ, ٸزٸن سۋىتقان.
الاياقتىڭ ەرەكەتٸنەن 10 ازامات زارداپ شەككەن. كەلتٸرٸلگەن شىعىن كٶلەمٸ 50 مىڭ تەڭگەدەن 1 ملن 750 مىڭ تەڭگەگە دەيٸن جەتكەن.
سوت ەر ادامدى الاياقتىق جاساعانى ٷشٸن كٸنەلٸ دەپ تانىپ, 4 جىل 7 ايعا باس بوستاندىعىنان ايىردى.
