Bıyl elimizdegi oblystyq ákimdikter óńirdegi sportty damytýǵa mıllıardtaǵan teńge jumsaýdy kózdep otyr. Aıtalyq, Soltústik Qazaqstan oblysy 2020 jyly óńirdegi sportty damytýǵa eki mıllıard teńge kóleminde qarjy jumsaýdy kózdep otyr, – dep habarlaıdy Qazaqparat saıty.

Memlekettik satyp alý saıtyna aımaqtyń Deneshynyqtyrý jáne sportty damytý basqarmasy óz usynystaryn engizgen. Aıtalyq, 2020 jyly Soltústik Qazaqstan oblysy erler men áıelder voleıbolyna 169-71,4 mln teńge, velosportqa 105 mln teńge, hokeıge 310 mln teńge, kúreske 45 mln teńge jáne at sportyn damytýǵa 130 mln teńge jumsaýdy kózdep otyr.

Bulardyń arasynda eń kóp qarjy jumsalatyn sport túri fýtbol bolyp tur. Soltútsik Qazaqstan oblysy fýtboldy damytýǵa 920 mln teńge jumsamaqshy.

Soltústik Qazaqstan oblysynyń sportty damytýǵa jumsaıtyn shyǵynyn ózge óńirlermen salystyrǵanda ortasha dep baǵalaýǵa bolady. Máselen Shymkent qalasy sportty damytyýǵa 6,2 mlrd teńge jumsaýdy kózdese, Aqtóbe oblysy 2 mlrd teńge, Qostanaı oblysy 3,2 mlrd teńge qarastyrypty.