29 maýsym kúni S&P Global Ratings halyqaralyq reiting agenttigi «Kaspi Bank» AQ-tyń reitingteri boiynsha boljamdy «Jaǵymdy» deńgeiine deiin kóterdi.
S&P Global birneshe mańyzdy faktorlardy aityp ótti:
- Ótken jyly basqa qazaqstandyq jáne reseilik bankterge qaraǵanda Kaspi-diń kredit shyǵyndary aitarlyqtai tómen boldy.
- COVID-19 pandemiiasyna qaramastan Kaspi-diń rezervterdi (táýekelderdiń quny) qalyptastyrýǵa baǵyttalǵan shyǵyny besjyldyq tómengi kórsetkish 1.7% deńgeiine tústi. Bul birinshi kezekte nesielik sheshimderdi qabyldaý sharalarynyń tiimdiligine bailanysty.
- Quramyna Kaspi Bank kiretin Kaspi.kz 2021 jyly tólem jáne elektrondy kommertsiia segmentinde aitarlyqtai ósim kórsetýin jalǵastyrýda. Ai saiyn belsendi klientterdiń sany 10 mln adamǵa jetip otyr, al ortasha kapitalǵa qaitarý kórsetkishi rekordtyq mánge - 85%-ǵa jetti.
Kaspi.kz-tiń basshysy Mihail Lomtadze bylai atap ótti:
«Reitingter boiynsha boljamnyń jaqsarýy – Qazaqstanda jasalǵan biznes-modelimizdiń biregei ekeniniń kezekti dáleli. Kredittik portfeldiń joǵary sapasy birinshi kezekte kredittik sheshimder qabyldaǵan kezde eń zamanaýi tehnologiialardy paidalanýymyzǵa bailanysty.
Kaspi qazaqstandyq banktermen salystyrǵanda ǵana emes, reseilik banktermen salystyrǵanda da óte jaqsy kórsetkishterdi kórsetip otyr, bul komandamyzǵa bólek maqtanysh faktory».
S&P Global sondai-aq emitenttiń uzaq merzimdi jáne qysqa merzimdi kredit reitingterin «BB - / B» deńgeiinde jáne ulttyq shkala boiynsha «kzA» reitingin rastady.
