29 ماۋسىم كۇنى S&P Global Ratings حالىقارالىق رەيتينگ اگەنتتىگى «Kaspi Bank» اق-تىڭ رەيتينگتەرى بويىنشا بولجامدى «جاعىمدى» دەڭگەيىنە دەيىن كوتەردى.
S&P Global بىرنەشە ماڭىزدى فاكتورلاردى ايتىپ ءوتتى:
- وتكەن جىلى باسقا قازاقستاندىق جانە رەسەيلىك بانكتەرگە قاراعاندا Kaspiء-دىڭ كرەديت شىعىندارى ايتارلىقتاي تومەن بولدى.
- COVID-19 پاندەمياسىنا قاراماستان Kaspiء-دىڭ رەزەرۆتەردى (تاۋەكەلدەردىڭ قۇنى) قالىپتاستىرۋعا باعىتتالعان شىعىنى بەسجىلدىق تومەنگى كورسەتكىش 1.7% دەڭگەيىنە ءتۇستى. بۇل ءبىرىنشى كەزەكتە نەسيەلىك شەشىمدەردى قابىلداۋ شارالارىنىڭ تيىمدىلىگىنە بايلانىستى.
- قۇرامىنا Kaspi Bank كىرەتىن Kaspi.kz 2021 جىلى تولەم جانە ەلەكتروندى كوممەرسيا سەگمەنتىندە ايتارلىقتاي ءوسىم كورسەتۋىن جالعاستىرۋدا. اي سايىن بەلسەندى كليەنتتەردىڭ سانى 10 ملن ادامعا جەتىپ وتىر، ال ورتاشا كاپيتالعا قايتارۋ كورسەتكىشى رەكوردتىق مانگە - 85%-عا جەتتى.
Kaspi.kzء-تىڭ باسشىسى ميحايل لومتادزە بىلاي اتاپ ءوتتى:
«رەيتينگتەر بويىنشا بولجامنىڭ جاقسارۋى – قازاقستاندا جاسالعان بيزنەس-مودەلىمىزدىڭ بىرەگەي ەكەنىنىڭ كەزەكتى دالەلى. كرەديتتىك پورتفەلدىڭ جوعارى ساپاسى ءبىرىنشى كەزەكتە كرەديتتىك شەشىمدەر قابىلداعان كەزدە ەڭ زاماناۋي تەحنولوگيالاردى پايدالانۋىمىزعا بايلانىستى.
Kaspi قازاقستاندىق بانكتەرمەن سالىستىرعاندا عانا ەمەس، رەسەيلىك بانكتەرمەن سالىستىرعاندا دا وتە جاقسى كورسەتكىشتەردى كورسەتىپ وتىر، بۇل كوماندامىزعا بولەك ماقتانىش فاكتورى».
S&P Global سونداي-اق ەميتەنتتىڭ ۇزاق مەرزىمدى جانە قىسقا مەرزىمدى كرەديت رەيتينگتەرىن «BB - / B» دەڭگەيىندە جانە ۇلتتىق شكالا بويىنشا «kzA» رەيتينگىن راستادى.
