Jýrnalist Ashat Sadyrbai men burynǵy áieli Aiǵanym Qorabaevaǵa qatysty sot otyrysy aiaqtaldy,- dep habarlaidy Dalanews.kz.
Bul týraly Ashat Sadyrbai áleýmettik jelide jazdy.
"Aqiqat jeńdi! Ótiriktiń quiryǵy bir aq tutam. Maǵan jala jaýyp, el aldynda qaralaǵysy kelgenderdiń búgin týy qulap, pozitsiialary tas-talqan boldy. Jalǵan aqparatty jalaýlatyp tapqan nandaryń sińimdi bolsyn! Al qurban rólin oinaǵandardyń maskasy sheshildi. Sóz júzinde emes is júzinde!" - dedi jýrnalist.
Onyń sózinshe, sotta ekinshi tarap dálel keltire almaǵan.
"Iá, qurmetti oqyrman, búgin meniń jeke basyma aitylǵan jalǵan aqparattar, ar-namysym men iskerlik bedelime nuqsan keltirý boiynsha birneshe aiǵa sozylǵan sot aiaqtaldy. Jaýapker Qorabaeva A. meniń jáne meniń otbasyma qatysty aitqan aqparattardyń bireýine de dálel bere almady. Tipti sottyń bir suraǵyna “ózim oidan aita saldym” degen syńaida jaýap berdi. Bireýge kúlki, bireýge ósek shyǵar. Biraq bul adamnyń ómiri men taǵdyry. Aqparattyq shabýyl maǵan jáne meniń otbasyma aýyr tidi. Bul sot bolmas ta edi. Alaida ótiriktiń ústine ótirik qosylyp údei berdi. Al, meniń maqsatym bireýdi sottaý emes, ózimniń kinásiz ekenimdi amalsyzdan zań júzinde dáleldeý edi. Tipti moraldyq shyǵyn da qajet emes, mediatsiiamen shesheiik degende de jaýapker tarap basynda basqa sóilep, keiin qaitadan óz ádetterine salyp keri ketti. Tipti sot otyrysyna kamera alyp kelip shoý jasaǵysy keldi. Qysqasy osymen támam! Aldaǵy ýaqytta sottyń resmi sheshimin jáne qosymsha aqparattardy tolyq jariialaimyn! Qoldaǵan jandarǵa myń alǵys. Aman bolyńyzdar!" - dedi ol.
