Premer-ministr Oljas Bektenov Prezident Qasym-Jomart Toqaevtyń baǵdarlamalyq suhbaty Úkimet jumysynyń basym baǵyttaryn naqty anyqtap bergenin atap ótti, dep habarlaidy Dalanews.kz.
"Prezidenttiń baǵdarlamalyq suhbaty aldaǵy maqsat-mindetterdi aiqyndap berdi. Barlyq ortalyq jáne jergilikti memlekettik organdar, sondai-aq ulttyq kompaniialar olardy tabysty júzege asyrý úshin bar kúsh-jigerin salýy tiis.
Sózden iske kirisińizder. Kez kelgen máselege pragmatikalyq turǵydan qarap, biýdjet qarajatyn barynsha únemdep, naqty nátije berýlerińiz qajet. Al esep berý, prezentatsiia jasaý degenniń bárin doǵarsańyzdar. Nátije bolmasa, onyń bári bos áńgime. Jumys istei almasańyzdar ashyq aityńyzdar. Biz bul máseleni sheshemiz", - dep atap ótti Oljas Bektenov.
Premer-ministr orynbasarlaryna barlyq tapsyrmanyń oryndalý barysyn óz baǵyttary boiynsha úilestirýdi tapsyrdy.
