Memleket basshysynyń bastamasymen qolǵa alynǵan «Taza Qazaqstan» ekologiialyq aktsiiasynyń «Kieli meken» aptalyǵyna «Sozaq orman jáne janýarlar álemin qorǵaý jónindegi memlekettik mekemesiniń» qyzmetkerleri de óz úlesterin qosyp, belsene kiristi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Tabiǵat janashyrlary óńirdegi tarihi-mádeni eskertkishterdi abattandyrý maqsatynda aýdan aýmaǵyndaǵy orta ǵasyrlarda salynǵan kieli de tarihi «Ysqaq bab» kesenesiniń aýmaǵyna tazalyq jumystaryn júrgizdi. Tazalyq sharasyna oblystyq tabiǵi resýrstar jáne tabiǵatty paidalanýdy retteý basqarmasynyń orynbasary Aqjaiyq Hametova bastaǵan 20-dan asa adam atsalysty.
Aýqymdy shara aiasynda tarihi eskertkishtiń aýlasyndaǵy aǵash túpteri áktelip, 70-ke jýyq qaraǵash kósheti otyrǵyzyldy. Bul kóshetter orman sharýashylyǵynda jersindirilip, daiyndalǵan.
Atalǵan mekeme, aldaǵy ýaqytta da aýdan aýmaǵyna kireberis aýmaqqa kógaldandyrý, tazalyq jumystaryn júrgizýdi josparlap otyr.
Ysqaq bab kesenesi – Sozaq aýdany, Baba ata aýylynyń soltústik shetinde ornalasqan. Túrkistan ólkesindegi bedeldi din ieleriniń biri bolǵan. El Uly ǵulamalyǵyn qadirlep, din qaqpasy atandarǵan Ysqaq bab – áýlielerdiń sultany atanǵan Qoja Ahmet Iasaýidiń túp atasy.
Jalpy Syrly Sozaq – tarihi eskertkishterge tolǵan týrizm mekeni. Aýdan ejelden tarihi-mádeni eskertkishter men qasietti kesenelerge bai. Jalpy aýdanda memleket qorǵaýyna alynǵan 19 tarihi-mádeni eskertkish bar.
Aita keteiik, basqarmaǵa qarasty Sozaq orman KMM mekemesindegi 10 gektar sýarmaly tuqymbaqta eldi mekenderdi kógaldandyrýǵa qajetti túrli sándik aǵashtardyń jáne aýdanǵa jersingen aǵashtardyń onǵa jýyq túri ósirilýde. Biylǵy jyldyń kóktem ailarynda Túrkistan qalasynyń ainalasyn kógaldandyrýǵa 10 myń túp qaraǵash pen 65 myń túp sekseýil tegin úlestirildi. Sondai-aq Sozaq aýdanyna 22500 túp kóshet aýdan eldi mekenderin kógaldanyrý úshin mekemeniń tuqymbaǵynan bosatylyp berildi.
