– Sizderdiń sporttaǵy jetistikterińiz, bizdiń úlken maqtanyshymyzdy týdyrady. Aldaǵy ýaqytta da, jeńisterińiz óskin urpaqtyń jetistikke jetýine yntalandyryp, sportqa degen qyzyǵýshylyǵyn týdyrady. Elmizdiń baıraǵyn dodalarda abyroımen qorǵaı berińizder, – degen júrekjardy tilegin bildirdi.
Jeltoqsan aıynyń 8-9 kúni aralyǵynda elimizdiń bas ordasy – Astana qalasynda «Daýlet» sport kesheninde grepplıngten Qazaqstan Respýblıkasynyń Kýbogy ótip, Sozaqtyń tórt palýany 2 altyn, 1 kúmis, 1 qola alǵan bolatyn.
Sońǵy ýaqytta Sozaq aýdanynda sportpen kásibı turǵydan aınalysatyn jastardyń qatary kóbeıip keledi. Buǵan aýdanda buqaralyq sportty damytý baǵytynda atqarylǵan jumystar yqpal etýde. Al jas sportshylardyń Astana tórinde jeńis tuǵyrynan kóterilýi jastardyń sportqa degen ynta-yqylasyn arttyra túsetini anyq.
