بۇگىن سوزاق اۋدانى اكىمدىگى دەنەشىنىقتىرۋ جانە سپورت ءبولىمىنىڭ باسشىسى مەرەي ءنيازالى ۇلى گرەپپلينگتەن قازاقستان رەسپبۋليكاسى كۋبوگىندا التىن العان مىڭجاسار الپامىس، قۋاندىق ەرعارايەۆ پەن جۇلدەگەرلەرى داۋرەن وسپانوۆ، ابزال ساتتارۇلىن قابىلداپ، قۇرمەت كورسەتتى.

– سىزدەردىڭ سپورتتاعى جەتىستىكتەرىڭىز، ءبىزدىڭ ۇلكەن ماقتانىشىمىزدى تۋدىرادى. الداعى ۋاقىتتا دا، جەڭىستەرىڭىز وسكىن ۇرپاقتىڭ جەتىستىككە جەتۋىنە ىنتالاندىرىپ، سپورتقا دەگەن قىزىعۋشىلىعىن تۋدىرادى. ەلمىزدىڭ بايراعىن دودالاردا ابىرويمەن قورعاي بەرىڭىزدەر، – دەگەن جۇرەكجاردى تىلەگىن ءبىلدىردى.

جەلتوقسان ايىنىڭ 8-9 كۇنى ارالىعىندا ەلىمىزدىڭ باس ورداسى – استانا قالاسىندا «داۋلەت» سپورت كەشەنىندە گرەپپلينگتەن قازاقستان رەسپۋبليكاسىنىڭ كۋبوگى ءوتىپ، سوزاقتىڭ ءتورت پالۋانى 2 التىن، 1 كۇمىس، 1 قولا العان بولاتىن.

سوڭعى ۋاقىتتا سوزاق اۋدانىندا سپورتپەن كاسىبي تۇرعىدان اينالىساتىن جاستاردىڭ قاتارى كوبەيىپ كەلەدى. بۇعان اۋداندا بۇقارالىق سپورتتى دامىتۋ باعىتىندا اتقارىلعان جۇمىستار ىقپال ەتۋدە. ال جاس سپورتشىلاردىڭ استانا تورىندە جەڭىس تۇعىرىنان كوتەرىلۋى جاستاردىڭ سپورتقا دەگەن ىنتا-ىقىلاسىن ارتتىرا تۇسەتىنى انىق.