Sozaqta Halyqaralyq zaǵiptar kúni atalyp ótti
1745 jyldyń 13 qarashasy kúni Frantsiiada Parijde jáne Peterbýrgte zaǵiptarǵa arnalǵan birneshe mekteptiń negizin qalaǵan tanymal pedagog – Valentin Gaiýi dúniege keldi. Dúniejúzilik densaýlyq saqtaý uiymynyń sheshimimen naqty osy data Halyqaralyq zaǵiptar kúnin belgileýge negiz boldy.
Atalǵan sharaǵa aýdandyq ardagerler uiymynyń tóraǵasy Kabylbek Espenbetov, oblystyq "Zaǵiptar qoǵamy" aýdandyq filialynyń prezidenti Tólegen Aqquliev pen sol qoǵamnyń músheleri, Sozaq aýdandyq múgedekter qoǵamynyń tóraǵasy Moldahmet Raimov, "ASAR" Túrkistan oblystyq múgedekter qoǵamynyń Sozaq aýdandyq filialynyń tóraǵasy Birjan Sarjanov, aýdandyq ortalyqtandyrylǵan kitaphanalar júiesiniń direktory Sabyr Batyrbekov, aýdandyq "Sozaq úni" aqparattyq gazetiniń tilshileri qatysyp, jyly lebizderin bildirdi.
Shara aiasynda qatysýshylar tarapynan jaqsy tilekter bildirilip, aýdandyq mádeniet úiiniń Sozaq Mádeniet ánshileri ánnen shashý shashty.
Qoǵamdyq uiymnyń jumysyn belsendi basqaryp júrgen, Sozaq aýdanynyń qurmetti azamaty Aqquliev Tólegen kókemizge aýdandyq kitaphanalar júiesiniń direktory S.Batyrbekov iyǵyna shapan jaýyp, alǵys hatyn tabys etti.
Qatysýshylar tarapynan uiymdastyrylǵan is-sharaǵa alǵystaryn aityp, rizashylyqpen tarqasty.
Birjan Sarjanov, "Asar" Túrkistan oblystyq múgedekter qoǵamy, Sozaq aýdandyq filialynyń tóraǵasy
