1745 جىلدىڭ 13 قاراشاسى كۇنى فرانسيادا پاريجدە جانە پەتەربۋرگتە زاعيپتارعا ارنالعان بىرنەشە مەكتەپتىڭ نەگىزىن قالاعان تانىمال پەداگوگ – ۆالەنتين گايۋي دۇنيەگە كەلدى. دۇنيەجۇزىلىك دەنساۋلىق ساقتاۋ ۇيىمىنىڭ شەشىمىمەن ناقتى وسى داتا حالىقارالىق زاعيپتار كۇنىن بەلگىلەۋگە نەگىز بولدى.
اتالعان شاراعا اۋداندىق ارداگەرلەر ۇيىمىنىڭ ءتوراعاسى كابىلبەك ەسپەنبەتوۆ، وبلىستىق "زاعيپتار قوعامى" اۋداندىق فيليالىنىڭ پرەزيدەنتى تولەگەن اققۇلييەۆ پەن سول قوعامنىڭ مۇشەلەرى، سوزاق اۋداندىق مۇگەدەكتەر قوعامىنىڭ ءتوراعاسى مولداحمەت رايموۆ، "اسار" تۇركىستان وبلىستىق مۇگەدەكتەر قوعامىنىڭ سوزاق اۋداندىق فيليالىنىڭ ءتوراعاسى ءبىرجان سارجانوۆ، اۋداندىق ورتالىقتاندىرىلعان كىتاپحانالار جۇيەسىنىڭ ديرەكتورى سابىر باتىربەكوۆ، اۋداندىق "سوزاق ءۇنى" اقپاراتتىق گازەتىنىڭ تىلشىلەرى قاتىسىپ، جىلى لەبىزدەرىن ءبىلدىردى.
شارا اياسىندا قاتىسۋشىلار تاراپىنان جاقسى تىلەكتەر ءبىلدىرىلىپ، اۋداندىق مادەنيەت ءۇيىنىڭ سوزاق مادەنيەت انشىلەرى اننەن شاشۋ شاشتى.
قوعامدىق ۇيىمنىڭ جۇمىسىن بەلسەندى باسقارىپ جۇرگەن، سوزاق اۋدانىنىڭ قۇرمەتتى ازاماتى اققۇلييەۆ تولەگەن كوكەمىزگە اۋداندىق كىتاپحانالار جۇيەسىنىڭ ديرەكتورى س.باتىربەكوۆ يىعىنا شاپان جاۋىپ، العىس حاتىن تابىس ەتتى.
قاتىسۋشىلار تاراپىنان ۇيىمداستىرىلعان ءىس-شاراعا العىستارىن ايتىپ، ريزاشىلىقپەن تارقاستى.
ءبىرجان سارجانوۆ، "اسار" تۇركىستان وبلىستىق مۇگەدەكتەر قوعامى، سوزاق اۋداندىق فيليالىنىڭ ءتوراعاسى
