9 qańtar kúni Túrkistan oblysy Sozaq aýylynda qaýipti jaǵdai boldy. Kóshe shamyna jalǵanǵan elektr symdary bir-birine tiip, ashyq tok paida bolǵan. Sol jerden ótken siyr symǵa tiip, tok soǵyp ólip qalǵan, dep habarlaidy Dalanews.kz.
Oqiǵany jergilikti turǵyn videoǵa túsirip, áleýmettik jelige tarady. Turǵyndar bul jaǵdaiǵa qatty alańdap otyr. Olardyń aitýynsha, eger siyrdyń ornyna adam júrgende, aýyr qaiǵyly jaǵdai bolýy múmkin edi.
Aýyl halqy elektr jelileriniń qaýipsizdigine jaýapty mekemelerden symdardy tekserip, aqaýdy tez arada jóndeýdi surap otyr.
Qazirgi ýaqytta bul oqiǵaǵa qatysty jaýapty organdardyń resmi jaýaby áli berilgen joq.
