Qaraqur aýylynda turatyn 102 jastaǵy Syrǵakúl Kerimbekova men Syzǵan aýylynda turatyn 103 jasqa tolǵan Dúishet Qalaýbaevalardy mereili merekemen quttyqtap, iyqtaryna oramal jaýyp, syi-siiapat jasady. Merekelik gúl shoqtaryn usyndy.
– Ǵasyr jasap, ómirdiń ashy-tushysyn kórgen ájelerimizdiń ómir joly barshamyzǵa úlgi. Bul kisiler eldiń anasy. Sizderdei analardyń bata tilegi urpaqqa kúsh-qýat beredi. Eldiń amandyǵyn jurttyń tynyshtyǵyn tilep, aman júrińizder, – dep quttyqtady aýdan basshysy.
Aita keterligi, 1920 jyly Sozaq aýylynda dúniege kelgen Syrǵakúl Kerimbekova ájeniń kindiginen 4 ul, 1 qyz tarap, búginde 15 nemere 25 shóbere, 7 shópshek kórip otyr.
Kolhozda jumysshy, saqpanshy bolyp aýyr jumys istegen. Sozaq, Qarataý sovhozynda esepshi bolǵan. Sanaly ǵumyryn eńbek jolyna arnaǵan aiaýly jan. Al syzǵandyq Dúishet Qalaýbaeva ájemiz biyl 103 jasqa toldy. Tyl jáne eńbek ardageri. «Asyl áje» medalin keýdesine taqqan. El anasy 3 qyz 2 uldyń anasy. Búginde nemere, shóbere, shópshek kórip otyr.
