Sozaqta 90 jyldyqqa orai saiabaqqa tanymal tulǵalardyń biýstteri qoiyldy
Túrkistan oblysy Sozaq aýdanynyń 90 jyldyq mereitoiyna orai 24 nysan el igiligine tapsyryldy. Olardyń qatarynda Qumkent aýylyndaǵy sport kesheni bar.
Zamanaýi úlgidegi sport ǵimaratynda kúres, boks, fýtbol jáne voleibol syndy sport túrlerinen sektsiialar jumys isteidi. Sondai-aq, mereitoi qarsańynda Sholaqqorǵan aýylyndaǵy 50 oryndyq «Aijan» bóbekjai balabaqshasy, «Jibek joly» saýda kesheni, Qaraǵur aýylynda «Jastar» saiabaǵy, 2 sport alańy men 1 balalar oiyn alańy ashyldy.
Sonymen qatar, Baldysý, Rań ata, Shaǵa, Aqsúmbe eldi mekenderinde meditsinalyq pýnktter, Sholaqqorǵan aýylynda alleia, sport jáne balalar oiyn alańshasy men «Street Workout» sporttyq alańynyń tusaýy kesildi. Sondai-aq, Taýkent qalasynda sport alańshasynyń, Jartytóbe eldi mekeninde «Astana qalasyna 20 jyl» saiabaǵy, sport alańshasy men balalar oiyn alańy, 75 oryndyq «Asyljan» bóbekjai babaqshasy paidalanýǵa berildi. Budan ózge, Sholaqqorǵan, Jýantóbe, Jartytóbe, Syzǵan aýyly men Qyzylkól eldi mekeniniń negizgi kósheleri jaryqtandyryldy.
Sozaq aýdanynyń 90 jyldyǵyna arnaiy at basyn burǵan Túrkistan oblysynyń ákimi Janseiit Túimebaev aýdandyq aýrýhana ujymyna meditsinalyq avtokólikterdiń kiltin tapsyrdy. Sondai-aq, Sholaqqorǵan aýylynda ornalasqan «Táýelsizdik» saiabaǵyndaǵy Sotsialistik Eńbek Erleri men kúishi-sazgerlerge arnalǵan eskertkish-biýst alleiasynyń ashylý saltanaty qatysyp, óńir turǵyndaryn aitýly merekemen quttyqtady.
«Sozaq aýdanynyń qurylǵanyna 90 jyl tolý merekesine orai túrli áleýmettik nysandar paidalanýǵa berilip, óńir turǵyndaryna úlken tartý jasalyp jatyr. Sozaq aýdany áleýmettik ekonomikalyq damýy órkendegen óńir ǵana emes, tarihi tulǵalardy dúniege ákelgen jer. Zamanymyzdyń zańǵar jazýshysy Muhtar Áýezov Sozaqqa kelgen saparynda «Sozaqqa barsań kúishimin deme» dep úlken baǵasyn bergen. Ult, memleket damýy jolynda aianbai eńbek etken, azamattardyń esimin el jadynda qaldyrý maqsatynda «Sotsialistik Eńbek Eri» atanǵan azamattardyń biýstteri ornatylyp otyr. Tarihymyzdy tanyp, memleket damýy jolynda eńbek etken azamattardyń madaqtap, este máńgi qaldyrý bizdiń basty muratymyz», - dedi Janseiit Qanseiituly.
Sholaqqorǵan aýylynda ornalasqan «Táýelsizdik» saiabaǵyndaǵy biýstteri qoiylǵan «Sotsialistik Eńbek Eri» atanǵan azamattardyń qatarynda J.Ádilbekov, B. Álibaiuly, B.Ámetshaev, Á. Jynysbaev, J. Dáýitbaev, Q.Arhabaev, Ú.Tastanov, T.Tuiaqbaev, K.Bórǵaziev jáne shertpe kúidiń negizin qalaýshylar J.Qalambaev, S.Áliuly, T. Mombekov, G.Asqarov syndy tulǵalar bar.
Túrkistan oblysy ákiminiń baspasóz qyzmeti
