زاماناۋي ۇلگىدەگى سپورت عيماراتىندا كۇرەس، بوكس، فۋتبول جانە ۆولەيبول سىندى سپورت تۇرلەرىنەن سەكسيالار جۇمىس ىستەيدى. سونداي-اق، مەرەيتوي قارساڭىندا شولاققورعان اۋىلىنداعى 50 ورىندىق «ايجان» بوبەكجاي بالاباقشاسى، «جىبەك جولى» ساۋدا كەشەنى، قاراعۇر اۋىلىندا «جاستار» ساياباعى، 2 سپورت الاڭى مەن 1 بالالار ويىن الاڭى اشىلدى.
سونىمەن قاتار، بالدىسۋ، راڭ اتا، شاعا، اقسۇمبە ەلدى مەكەندەرىندە مەديسينالىق پۋنكتتەر، شولاققورعان اۋىلىندا اللەيا، سپورت جانە بالالار ويىن الاڭشاسى مەن «Street Workout» سپورتتىق الاڭىنىڭ تۇساۋى كەسىلدى. سونداي-اق، تاۋكەنت قالاسىندا سپورت الاڭشاسىنىڭ، جارتىتوبە ەلدى مەكەنىندە «استانا قالاسىنا 20 جىل» ساياباعى، سپورت الاڭشاسى مەن بالالار ويىن الاڭى، 75 ورىندىق «اسىلجان» بوبەكجاي باباقشاسى پايدالانۋعا بەرىلدى. بۇدان وزگە، شولاققورعان، جۋانتوبە، جارتىتوبە، سىزعان اۋىلى مەن قىزىلكول ەلدى مەكەنىنىڭ نەگىزگى كوشەلەرى جارىقتاندىرىلدى.
سوزاق اۋدانىنىڭ 90 جىلدىعىنا ارنايى ات باسىن بۇرعان تۇركىستان وبلىسىنىڭ اكىمى جانسەيىت تۇيمەبايەۆ اۋداندىق اۋرۋحانا ۇجىمىنا مەديسينالىق اۆتوكولىكتەردىڭ كىلتىن تاپسىردى. سونداي-اق، شولاققورعان اۋىلىندا ورنالاسقان «تاۋەلسىزدىك» ساياباعىنداعى سوسياليستىك ەڭبەك ەرلەرى مەن كۇيشى-سازگەرلەرگە ارنالعان ەسكەرتكىش-بيۋست اللەياسىنىڭ اشىلۋ سالتاناتى قاتىسىپ، ءوڭىر تۇرعىندارىن ايتۋلى مەرەكەمەن قۇتتىقتادى.
«سوزاق اۋدانىنىڭ قۇرىلعانىنا 90 جىل تولۋ مەرەكەسىنە وراي ءتۇرلى الەۋمەتتىك نىساندار پايدالانۋعا بەرىلىپ، ءوڭىر تۇرعىندارىنا ۇلكەن تارتۋ جاسالىپ جاتىر. سوزاق اۋدانى الەۋمەتتىك ەكونوميكالىق دامۋى وركەندەگەن ءوڭىر عانا ەمەس، تاريحي تۇلعالاردى دۇنيەگە اكەلگەن جەر. زامانىمىزدىڭ زاڭعار جازۋشىسى مۇحتار اۋەزوۆ سوزاققا كەلگەن ساپارىندا «سوزاققا بارساڭ كۇيشىمىن دەمە» دەپ ۇلكەن باعاسىن بەرگەن. ۇلت، مەملەكەت دامۋى جولىندا ايانباي ەڭبەك ەتكەن، ازاماتتاردىڭ ەسىمىن ەل جادىندا قالدىرۋ ماقساتىندا «سوسياليستىك ەڭبەك ەرى» اتانعان ازاماتتاردىڭ بيۋستتەرى ورناتىلىپ وتىر. تاريحىمىزدى تانىپ، مەملەكەت دامۋى جولىندا ەڭبەك ەتكەن ازاماتتاردىڭ ماداقتاپ، ەستە ماڭگى قالدىرۋ ءبىزدىڭ باستى مۇراتىمىز»، - دەدى جانسەيىت قانسەيىت ۇلى.
شولاققورعان اۋىلىندا ورنالاسقان «تاۋەلسىزدىك» ساياباعىنداعى بيۋستتەرى قويىلعان «سوسياليستىك ەڭبەك ەرى» اتانعان ازاماتتاردىڭ قاتارىندا ج.ادىلبەكوۆ، ب. ءالىباي ۇلى، ب.امەتشايەۆ، ءا. جىنىسبايەۆ، ج. داۋىتبايەۆ، ق.ارحابايەۆ، ءۇ.تاستانوۆ، ت.تۇياقبايەۆ، ك.بورعازييەۆ جانە شەرتپە كۇيدىڭ نەگىزىن قالاۋشىلار ج.قالامبايەۆ، س.ءالى ۇلى، ت. مومبەكوۆ، گ.اسقاروۆ سىندى تۇلعالار بار.
تۇركىستان وبلىسى اكىمىنىڭ باسپا ءسوز قىزمەتى
