2025 jyldyń alǵashqy 5 aiynda Sozaq aýdanynda 81,5 mlrd teńgeden astam tikelei investitsiia tartyldy. Al, jalpy óńirlik óniminiń kólemi 380 mlrd teńgeden asty. Bul týraly Sozaq aýdanynyń ákimi Muhit Turysbekov jýrnalistermen ótken baspasóz jiynynda baiandady,- dep habarlaidy Dalanews.kz
«Aýylsharýashylyq salasynda osy jyldyń alǵashqy jartyjyldyǵynda 138,7 mln teńge investitsiia tartyldy. Qazirgi tańda óńirde 9 myń tonnaǵa jýyq et jáne sút ónimderi, 750 myń dana jumyrtqa óndirildi. Biylǵy egis naýqanynda 14 638 gektar jerge aýyl sharýashylyǵy daqyldary egildi. Sý únemdeý tehnologiiasy boiynsha 163,9 ga jerge jańbyrlatyp, 33 ga jerge tamshylatyp sýarý júiesi engizildi. Sondai-aq, kelesi jyly Taiqońyr eldi mekeninde jylyna 800 myń tonna kúkirt qyshqylyn óndiretin zaýyttyń qurylys jumystary júrgizilýde. Bul jobanyń jalpy quny 113,5 mlrd teńgeden astam. Atalǵan joba aiaqtalǵannan keiin 275 adam turaqty jumyspen qamtylatyn bolady. Aimaqta osy jyldyń alǵashqy 5 aiynda 1 826 azamat áleýmettik qoldaýmen qamtyldy. Ulttyq jobalar aiasynda 136 jumys orny ashý kózdelse, búgingi tańda 28 oryn ashyldy. «Eńbek naryǵyn damytý tujyrymdamasy» boiynsha 1 387 oryn josparlanyp, 880 oryn ashyldy. Bekitilgen josparǵa sáikes, bos jumys oryndaryna 554 adam joldandy. Aýdanda jumyssyzdyq deńgeii – 4,9%. Sonymen qatar, ótkizilgen jumys jármeńkelerinde 78 múmkindigi shekteýli azamat turaqty jumyspen qamtyldy»,- dedi aýdan basshysy.
Óńir tolyqtai aýyz sýmen qamtylǵan. Tek tórt aýyl kestemen sý ishedi. Qazirgi tańda Qaraqur men Qozmoldaq aýyldarynda 24 saǵattyq aýyz sýmen qamtý úshin jobalyq smetalyq qujattary daiyndalýda.
Sondai-aq, óńirge tabiǵi gaz tartý jumystaryna oblystyq biýdjetten 290 million teńgege jýyq qarajat qaralǵan. Sholaqqorǵan aýylyna gaz tartý úshin 216,6 shaqyrym qubyr tartylyp, qazirgi tańda 3 200 abonent kógildir otynmen qamtyldy. Aýdan ortalyǵynda 7 shaqyrym aiaq jolǵa 235 dana jaryqsham, 4 aialdama, 60 qoqys jáshigi men oryndyqtar ornatylýda.
Budan bólek, biyl «Aýyl – El besigi» baǵdarlamasy aiasynda 447 mln 330 myń teńgege 12 kóshege 14,2 shaqyrym asfalt tóseledi dep josparlanýda.
Sondai-aq, azamattardy turǵyn úimen qamtý maqsatynda aýdan ortalyǵyndaǵy «Jetkinshek» móltek aýdanynda 1 qabatty 2 páterli – 26 úi, 2 qabatty 8 páterli – 3 úidiń qurylys jumystary júrgizilýde. Salynyp jatqan úiler kezekte turǵan áleýmettik osal toptaǵy azamattarǵa beriletin bolady.
Sonymen qatar, «Kazatomprom» AQ demeýshiligimen – 2 qabatty 16 páterli úi salynýda. Odan bólek, quny 2 mlrd teńgege jýyq Sholaqqorǵan aýylyndaǵy sporttyq-saýyqtyrý kesheni jaqyn kúnderi el igiligine paidalanýǵa beriledi.
Sondai-aq, «Astana» móltek aýdany infraqurylymyn damytý maqsatynda qurylys jumystary júrgizilýde. Turǵyndardyń bos ýaqytyn tiimdi ótkizý maqsatynda Sholaqqorǵan aýylynda quny 1 mlrd teńgeni quraityn kitaphana qurylysy júrgizilýde. Atalǵan nysan kelesi jylǵa ótpeli.
