Merekelik sharada sóz sóılegen aýdan ákimi Salyhan Polatov:
– Óndirispen qatar aýyl sharýashylyǵy salasy qashanda aýdandaǵy eń mańyzdy sala bolyp qala bermek. Elbasy Nursultan Nazarbaev Qazaqstan halqyna joldaǵan Joldaýynda «Agroónerkásip kesheniniń áleýetin tolyq iske asyrý kerek. Negizgi mindet – eńbek ónimdiligin jáne qaıta óńdelgen aýyl sharýashylyǵy óniminiń eksportyn 2022 jylǵa qaraı 2,5 ese kóbeıtý dep atap kórsetti. Aýyl sharýashylyǵy qyzmetkerleriniń aldynda ónim kólemin arttyrý sekildi úlken mindet tur. Oǵan eldiń birligi, halyqtyń yntymaǵy jáne kópshiliktiń qajyrly qyzmetiniń arqasynda jetetin bolamyz, – dep barsha aýdan turǵyndaryn berekeli de, merekeli «Altyn kúz» merekesimen quttyqtap, úzdik aýyl okrýgterimen, sharýa qojalyqtaryn marapattady.
Sondaı-aq, aýdandyq máslıhattyń hatshysy B. Baıǵaraev, aýdandyq ardagerler keńesiniń tóraǵasy Q. Espenbetov quttyqtaý sóz sóılep, birqatar azamattarǵa alǵys hat tabys etti.
Jalpy Teriskeılik sharýalar aýdannyń 90 jyldyq mereıtoıyna oraı, jıyn terim maýsymyn joǵary aıaqtady deýge tolyq negiz bar.
Máselen, bıylǵy jyldyń 9 aıynda aýyl sharýashylyǵy salasyndaǵy jalpy ónim kólemi 9 mlrd 207,5 mln teńge bolyp, ıaǵnı ótken jyldyń osy merzimimen salystyrǵanda 856,2 mln teńgege artyp, 110,2 paıyz artyq oryndaldy. Naqty kólem ındeksi 102,4 paıyz qurady.
Aýyl sharýashylyǵy salasynyń negizgi kapıtalyna 20 mln t ınvestısıa tartyldy. Bul ótken jylǵydan 11 mln 648 myń teńgege artyq.
Jıyn sońy aýdandyq mádenıet úıi ónerpazdarynyń qoıǵan konserttik baǵdarlamasyna ulasty.
