بۇگىن سوزاق اۋدانىنىڭ «داڭق» ساياباعىندا «التىن كۇز» اۋىل شارۋاشىلىعى سالاسىنىڭ قورىتىندى جيىنى ءوتتى. ونىڭ اياسىندا ارزان باعادا ازىق-تۇلىك ونىمدەرىنىڭ جارمەڭكەسى، اسىل تۇقىمدى مال باسىنىڭ كورمەسى، ۇلتتىق سپورت تۇرلەرىنەن جارىستار، ۇزدىك ءونىم العان شارۋا قوجالىقتارىمەن اۋىل وكۋگ اكىمدىكتەرى، ۇزدىك اۋىل شارۋاشىلىق ماماندارى ماراپاتتالدى.

مەرەكەلىك شارادا ءسوز سويلەگەن اۋدان اكىمى سالىحان پولاتوۆ:

– وندىرىسپەن قاتار اۋىل شارۋاشىلىعى سالاسى قاشاندا اۋدانداعى ەڭ ماڭىزدى سالا بولىپ قالا بەرمەك. ەلباسى نۇرسۇلتان نازاربايەۆ قازاقستان حالقىنا جولداعان جولداۋىندا «اگروونەركاسىپ كەشەنىنىڭ الەۋەتىن تولىق ىسكە اسىرۋ كەرەك. نەگىزگى مىندەت – ەڭبەك ونىمدىلىگىن جانە قايتا وڭدەلگەن اۋىل شارۋاشىلىعى ءونىمىنىڭ ەكسپورتىن 2022 جىلعا قاراي 2،5 ەسە كوبەيتۋ دەپ اتاپ كورسەتتى. اۋىل شارۋاشىلىعى قىزمەتكەرلەرىنىڭ الدىندا ءونىم كولەمىن ارتتىرۋ سەكىلدى ۇلكەن مىندەت تۇر. وعان ەلدىڭ بىرلىگى، حالىقتىڭ ىنتىماعى جانە كوپشىلىكتىڭ قاجىرلى قىزمەتىنىڭ ارقاسىندا جەتەتىن بولامىز، – دەپ بارشا اۋدان تۇرعىندارىن بەرەكەلى دە، مەرەكەلى «التىن كۇز» مەرەكەسىمەن قۇتتىقتاپ، ۇزدىك اۋىل وكرۋگتەرىمەن، شارۋا قوجالىقتارىن ماراپاتتادى.

سونداي-اق، اۋداندىق ءماسليحاتتىڭ حاتشىسى ب. بايعارايەۆ، اۋداندىق ارداگەرلەر كەڭەسىنىڭ ءتوراعاسى ق. ەسپەنبەتوۆ قۇتتىقتاۋ ءسوز سويلەپ، ءبىرقاتار ازاماتتارعا العىس حات تابىس ەتتى.

جالپى تەرىسكەيلىك شارۋالار اۋداننىڭ 90 جىلدىق مەرەيتويىنا وراي، جيىن تەرىم ماۋسىمىن جوعارى اياقتادى دەۋگە تولىق نەگىز بار.

ماسەلەن، بيىلعى جىلدىڭ 9 ايىندا اۋىل شارۋاشىلىعى سالاسىنداعى جالپى ءونىم كولەمى 9 ملرد 207،5 ملن تەڭگە بولىپ، ياعني وتكەن جىلدىڭ وسى مەرزىمىمەن سالىستىرعاندا 856،2 ملن تەڭگەگە ارتىپ، 110،2 پايىز ارتىق ورىندالدى. ناقتى كولەم يندەكسى 102،4 پايىز قۇرادى.

اۋىل شارۋاشىلىعى سالاسىنىڭ نەگىزگى كاپيتالىنا 20 ملن ت ينۆەستيسيا تارتىلدى. بۇل وتكەن جىلعىدان 11 ملن 648 مىڭ تەڭگەگە ارتىق.

جيىن سوڭى اۋداندىق مادەنيەت ءۇيى ونەرپازدارىنىڭ قويعان كونسەرتتىك باعدارلاماسىنا ۇلاستى.