Biyl bul tizimge 180 memleket engen. Ózbekstan 2017 jyldan kórsetkishin jaqsartýda. Kórshimiz bul reitingide 13 satyǵa órlep (biyl 4 satyǵa) 156-ǵa orynǵa turaqtapty. Odan keiingi orynda Qazaqstan tur.
Qyrǵyzstan 82-shi, Tájistan 161-shi, Resei 149-shi, al Túrkmenstan osy reitinginiń sońyn ala 178-shi orynǵa jaiǵasqan.
BAQ pen sóz bostandyǵyna kedergi keltirmeitin elderdiń aldyńǵy shebinde – Norvegiia, Finliandiia, Daniia, Niderlandy jáne Shvetsiia tur.
Sońǵy jyldary Ózbekstanda buǵan deiin "qara tizimde" bolǵan kóptegen saittar buǵattan shyqty. BAQ-ty tirkeý protsesi ońtailandy. Reportajdar tikelei efirde taralatyn boldy.
Jýrnalister jemqorlyq pen zańsyz jumysqa jegý jaǵdaiyn jasyrmai habarlaityn jaǵdaiǵa jetti.
Ózbekstanda BAQ salasyndaǵy zańnamany jetildirý jumysy júrýde, onyń ishinde Jýrnalisterdiń kásibi etikalyq kodeksi ázirlenýde dep habarlaidy Sputnik Ózbekstan.
Mirziiaevtyń buiryǵymen táýelsiz BAQ-tyń jumysyna kedergi keltirmeýge jáne memorgandardyń baspasóz qyzmetin damytýǵa kóńil bólinýde. Memorgandardyń ashyqtyǵyn qamtamasyz etý jumysy qyzý júrýde.
Biylǵy jyldyń basynda otandyq mass-mediany qoldaityn qor quryldy. Bul qor óz kezeginde medianaryqtaǵy básekeniń ádiletti negizde júrip, jýrnalister men blogerlerdiń quqyǵyna qol suǵylmaýyn qamtamasyz etedi.
Osydan bir jyl buryn Ózbekstannyń halyqaralyq reitingiler men indeksterdegi kórsetkishin jaqsartý maqsatynda arnaiy komissiia qurylǵan. Oǵan osy eldiń vitse-premeri Jámshid Qushqarov jetekshilik etedi.
