Delegatsiiany Máminniń orynbasary Roman Skliar bastap barady. Kezdesýde COVID-19-ke qarsy Resei vaktsinasyn satyp alý máselesi sóz bolady.
"(Vaktsina) aldymen mindetti halyqaralyq sertifikattyń barlyq satysynan ótýi kerek", – deidi Qojahmetov. Aitýynsha ázir koronavirýstyń taralýyn tejeitin vaktsina ázirlep jatqan 10 óndirýshi bar.
"Bular indettiń betin qaitaratyn em-dom tásilderin izdestirýde. Klinikalyq synaqtyń úshinshi, tórtinshi satydan ótkesin baryp sertifikat alady. Koronavirýsqa qarsy áne-mine vaktsina oilap tabatyn eldermen tez arada memorandýmǵa otyryp úlgerý kerek. Halyqtyń 10 paiyzyn erte bastan egý qajet degen DDSU-nyń aqyl-keńesin eskerýge tiispiz. Túptep kelgende vaktsinanyń qai elde jasalǵany mańyzdy emes", – deidi ministr ókili.
Koronavirýsqa qarsy Resei vaktsinasynyń tirkeýden ótkenin túneýkúni Pýtin habarlaǵan. "Adam aǵzasyna qaýip tóndirerdei teris áseri joq. Kerisinshe indettiń betin qaitarar qabileti bar", degen Kreml basshysy.
Belgili dáriger, neirohirýrg Myńjylqy Berdiqojaev Qamshy portalyna bergen suhbatynda Almatydaǵy «Ortalyq klinikalyq aýrýhana» neirohirýrgiia ortalyǵynyń meńgerýshisi Myńjylqy Berdiqojaev tekserilmegen vaktsinany azamattarǵa salýǵa túbegeili qarsy ekenin aitqan. Sapasy kúdikti vaktsina saldyrǵansha araqashyqtyqty saqtap, qajetti em sharalary men jeke profilaktikany myqtap qolǵa alǵan durys.
