Pavlodarda para alǵan túzeý mekemesiniń qyzmetkeri sottaldy, dep habarlaıdy Dalanews.kz.
Oıynǵa táýeldiligi bar túzeý mekemesiniń qyzmetkeri sybaılas jemqorlyq qylmysy, ıaǵnı para alý deregi boıynsha sottalǵan.
Pavlodar oblysy prokýratýrasy málimetinshe, sottalǵandar jazanyń ótelmegen bóligin neǵurlym jeńil jaza túrine aýystyrý týraly oń sheshim shyǵarý, qylmystyq-atqarý júıesi mekemeleriniń ishki tártip qaǵıdalaryna qaıshy keletin uıaly telefon alyp ótý úshin laýazymdy tulǵaǵa zańsyz aqsha aýdarǵany anyqtalǵan.
"Zańsyz alynǵan qarajatty túzeý mekemesiniń qyzmetkeri býkmekerlik keńselerde bás tigýge jumsaǵan. Sot oǵan 6 jyl merzimge bas bostandyǵynan aıyrý, memlekettik qyzmette laýazym atqarý quqyǵynan ómir boıyna aıyrý, sondaı-aq, ádilet kapıtany arnaıy ataǵynan aıyrý jazasyn taǵaıyndady. Úkim zańdy kúshine engen joq", - dep jazylǵan habarlamada.
