Almaty oblysyndaǵy Ile aýdandyq soty óndiriste aýyr jaraqat alǵan qyzmetkerge joǵary tehnologiialyq qol protezin satyp alyp berýdi jumys berýshige mindettedi, dep habarlaidy dalanews.kz.
Sottyń baspasóz qyzmetiniń málimetinshe, sheshim óndiristik jaraqat saldarynan qolynyń basy ampýtatsiialanǵan qyzmetkerdiń talap-aryzy negizinde qabyldanǵan.
Is materialdaryna sáikes, meditsinalyq-áleýmettik saraptama qyzmetkerdiń eńbekke qabilettiligin turaqty túrde joǵaltqanyn jáne turaqty protezdeýdi qajet etetinin rastaǵan.
Sot sheshimi boiynsha, jaýapker mekeme bir ai ishinde protez ortalyǵymen «Manifesto» protezin daiyndaýǵa kelisimshart jasasýy tiis. Protezdiń quny 28 606 425 teńgeni quraidy.
Sonymen qatar kompaniia qyzmetkerdiń protezdeý kezeńindegi aýrýhanada turý shyǵyndaryn da óteýge mindetteldi.
Sot sheshimi zańdy kúshine endi.
