Sońǵy úsh jylda Qazaqstannan QHR-ǵa astyq júkteriniń eksporty 5,7 ese ósken, dep habarlaidy Dalanews.kz.
"Qazaqstan temir joly" ulttyq kompaniiasynyń derekteri boiynsha, 2024 jyldyń basynan bastap astyqpen 582 marshrýttyq poiyz qurylyp, 551 ekspress-poiyz astyq júkteri Qytaiǵa, Túrkmenstanǵa, Iranǵa, Reseige, Ózbekstanǵa jóneltildi. El boiynsha astyq júkterin marshrýttyq jóneltilimdermen tasymaldaý úshin 31 quram uiymdastyryldy.
"2024 jyldyń segiz aiynyń qorytyndysy boiynsha astyqtyń temirjol tasymaly 5,4 mln tonnadan asty, onyń ishinde 4,2 mln tonna eksporttaldy. Sondai-aq 2,3 mln tonna astyq óńdeý ónimderi tasymaldandy, bul ótken jyldyń sáikes kezeńimen salystyrǵanda 17,4%-ǵa artyq. Qaita óńdeý ónimderiniń eksporty 20%-ǵa 1,8 mln tonnaǵa deiin, al ishki tasymaldar 9%-ǵa 500 myń tonnaǵa deiin ósti", dep habarlaidy QR Aýylsharýashylyǵy ministrligi 27 qyrkúiekte.
2024 jyldyń qyrkúieginde Aqtaý porty arqyly aýyl sharýashylyǵy ónimderin tasymaldaý úsh esege, iaǵni 90 myń tonnaǵa deiin ulǵaidy. Al qazan aiynda 212 myń tonna tasymaldaý josparlanyp otyr eken.
Dástúrli túrde qazaqstandyq astyq pen ony qaita óńdeý ónimderi úshin negizgi ótkizý naryqtary Ortalyq Aziia, Aýǵanstan, Iran jáne Qytai elderi bolyp qala beredi.
QR AQSh málimetinshe, búgingi tańda negizgi dándi daqyldar boiynsha 12,6 mln gektardan astam dándi jáne burshaqty daqyldar jinaldy. Ortasha ónimdiligi 14,7 ts/ga bolǵan kezde 18,5 mln tonnadan astam astyq bastyryldy.
Aita ketsek, kóktemgi egis jáne egin jinaý jumystaryn jeńildetilgen qarjylandyrý kólemi 580 mlrd teńgeni qurady, bul - ótken jyldarmen salystyrǵanda 3 ese kóp kólem.
