سوڭعى ٷش جىلدا قازاقستاننان قحر-عا استىق جٷكتەرٸنٸڭ ەكسپورتى 5,7 ەسە ٶسكەن, دەپ حابارلايدى Dalanews.kz.
"قازاقستان تەمٸر جولى" ۇلتتىق كومپانيياسىنىڭ دەرەكتەرٸ بويىنشا, 2024 جىلدىڭ باسىنان باستاپ استىقپەن 582 مارشرۋتتىق پويىز قۇرىلىپ, 551 ەكسپرەسس-پويىز استىق جٷكتەرٸ قىتايعا, تٷركمەنستانعا, يرانعا, رەسەيگە, ٶزبەكستانعا جٶنەلتٸلدٸ. ەل بويىنشا استىق جٷكتەرٸن مارشرۋتتىق جٶنەلتٸلٸمدەرمەن تاسىمالداۋ ٷشٸن 31 قۇرام ۇيىمداستىرىلدى.
"2024 جىلدىڭ سەگٸز ايىنىڭ قورىتىندىسى بويىنشا استىقتىڭ تەمٸرجول تاسىمالى 5,4 ملن توننادان استى, ونىڭ ٸشٸندە 4,2 ملن توننا ەكسپورتتالدى. سونداي-اق 2,3 ملن توننا استىق ٶڭدەۋ ٶنٸمدەرٸ تاسىمالداندى, بۇل ٶتكەن جىلدىڭ سەيكەس كەزەڭٸمەن سالىستىرعاندا 17,4%-عا ارتىق. قايتا ٶڭدەۋ ٶنٸمدەرٸنٸڭ ەكسپورتى 20%-عا 1,8 ملن تونناعا دەيٸن, ال ٸشكٸ تاسىمالدار 9%-عا 500 مىڭ تونناعا دەيٸن ٶستٸ", دەپ حابارلايدى قر اۋىلشارۋاشىلىعى مينيسترلٸگٸ 27 قىركٷيەكتە.
2024 جىلدىڭ قىركٷيەگٸندە اقتاۋ پورتى ارقىلى اۋىل شارۋاشىلىعى ٶنٸمدەرٸن تاسىمالداۋ ٷش ەسەگە, ياعني 90 مىڭ تونناعا دەيٸن ۇلعايدى. ال قازان ايىندا 212 مىڭ توننا تاسىمالداۋ جوسپارلانىپ وتىر ەكەن.
دەستٷرلٸ تٷردە قازاقستاندىق استىق پەن ونى قايتا ٶڭدەۋ ٶنٸمدەرٸ ٷشٸن نەگٸزگٸ ٶتكٸزۋ نارىقتارى ورتالىق ازييا, اۋعانستان, يران جەنە قىتاي ەلدەرٸ بولىپ قالا بەرەدٸ.
قر اقش مەلٸمەتٸنشە, بٷگٸنگٸ تاڭدا نەگٸزگٸ دەندٸ داقىلدار بويىنشا 12,6 ملن گەكتاردان استام دەندٸ جەنە بۇرشاقتى داقىلدار جينالدى. ورتاشا ٶنٸمدٸلٸگٸ 14,7 تس/گا بولعان كەزدە 18,5 ملن توننادان استام استىق باستىرىلدى.
ايتا كەتسەك, كٶكتەمگٸ ەگٸس جەنە ەگٸن جيناۋ جۇمىستارىن جەڭٸلدەتٸلگەن قارجىلاندىرۋ كٶلەمٸ 580 ملرد تەڭگەنٸ قۇرادى, بۇل - ٶتكەن جىلدارمەن سالىستىرعاندا 3 ەسە كٶپ كٶلەم.
