Soltústik Qazaqstandaǵy Beskól aýylynda bes qabatty úi salynyp jatyr, - dep habarlaidy Dalanews.kz.
Ministr Qanat Sharlapaev Soltústik Qazaqstan oblysy Qyzyljar aýdany Beskól aýylyndaǵy bes qabatty turǵyn úilerdiń qurylys barysymen tanysty.
Qurylys jumystaryn 2024 jyldyń jeltoqsan aiyna deiin aiaqtaý josparlanýda. Qurylystyń bas merdigeri – «Pavlodar zaýyty TEMIRMASh» JShS. Jobanyń negizgi daiyndyǵy 60% quraidy.
Páter aýdany:
1 bólme – 44 sh.m. - 17 páter, jalpy aýdany 748 sh.m.
2 bólme - 56 sh.m. - 19 páter, jalpy aýdany 1064 sh.m.
3 bólme – 66,3 sh.m. - 14 páter, jalpy aýdany 929 sh.m.
Ónerkásip jáne qurylys ministri qurylys jumystarynyń tiimdiligi men sapasyn atap ótti. Kezekte turǵandardyń barlyǵyn pátermen qamtamasyz etý úshin aýdan ákimdigi ekinshi kezektegi turǵyn úi satyp alý tájiribesin qoldanýda. Qazirgi tańda Soltústik Qazaqstan oblysynda 94 adam baspana kezeginde tur, onyń ishinde 14 kóp balaly otbasy.
