2026 jylǵy naýryz aiynda el boiynsha turǵyn úidi satyp alý jáne satý boiynsha 28 493 mámile tirkeldi, dep habarlaidy Dalanews.kz.
"Naryq jańalyqtary" telegram arnasynyń málimetinshe, onyń 5 951-i jeke úilerge tiesili bolsa, 22 542-si kóppáterli turǵyn úilerdegi páterlerge qatysty jasalǵan.
Aqpan aiymen salystyrǵanda mámileler sany 3,9 paiyz ósip, naryqta azdaǵan qozǵalys baiqalǵan. Sondai-aq byltyr naýryz aiymen salystyrǵanda da kórsetkish 2,7 paiyz artqan.
Degenmen jalpy toqsan qorytyndysy oń emes. Biylǵy qańtar men naýryz aralyǵynda jasalǵan mámileler sany ótken jyldyń osy kezeńimen salystyrǵanda 4,6 paiyzǵa azaiǵan. Bul turǵyn úi naryǵyndaǵy suranys pen belsendiliktiń birshama báseńdegenin kórsetedi.
