Ýkraina, Gaza, Livan, Sýdan jáne Mianmadaǵy aýrýhanalar men meditsina qyzmetkerlerine jasalatyn shabýyldar halyqaralyq qaýymdastyqtyń alańdaýshylyǵyn kúsheitip otyr, dep habarlaidy dalanews.kz.
The Guardian basylymynyń taldaýynsha, sońǵy jyldary qarýly qaqtyǵystarda aýrýhanalar, jedel járdem kólikteri men meditsina qyzmetkerleri burynǵydan jii nysanaǵa ainalyp keledi. Sarapshylar muny halyqaralyq gýmanitarlyq quqyqtyń álsireýimen jáne jaýapkershiliktiń jetkiliksizdigimen bailanystyrady.
1949 jylǵy Jeneva konventsiialary boiynsha aýrýhanalar, meditsinalyq mekemeler, dárigerler, naýqastar jáne jedel járdem kólikteri erekshe qorǵaýǵa ie. Alaida halyqaralyq quqyq normalaryna qaramastan, olardy qorǵaý is júzinde jii qamtamasyz etilmei otyr.
Zertteýlerge sáikes, 2024 jyly álemniń 33 elinde densaýlyq saqtaý nysandaryna 2 500-den astam shabýyl tirkelgen. Eń kóp oqiǵalar Ýkraina, Gaza, Livan jáne Sýdanda bolǵan. Mundai shabýyldar meditsinalyq kómektiń toqtaýyna, aýrýhanalardyń jabylýyna jáne beibit turǵyndardyń ólim-jitiminiń artýyna ákelip soqqan.
Ásirese Livanda meditsina qyzmetkerlerine jasalǵan qaitalama soqqylar halyqaralyq uiymdardyń alańdaýshylyǵyn týǵyzdy. Qutqarýshylar alǵashqy jarylystan keiin kómekke kelgen kezde taǵy bir soqqy jasalatyn jaǵdailar tirkelgen. Izrail mundai operatsiialardy qarýly toptardyń meditsinalyq kólikterdi paidalanýy týraly málimdemelermen túsindirse, birqatar quqyq qorǵaý uiymdary bul aiyptaýlardy dáleldenbegen dep baǵalaidy.
Sarapshylardyń aitýynsha, másele halyqaralyq quqyqtyń joqtyǵynda emes, ony oryndaýǵa saiasi erik-jigerdiń jetispeýinde. Sonyń saldarynan halyqaralyq quqyqta qorǵalatyn nysandarǵa shabýyl jasaǵandar kóp jaǵdaida jaýapkershilikke tartylmaidy.
