ۋكراينا, گازا, ليۆان, سۋدان جەنە ميانماداعى اۋرۋحانالار مەن مەديتسينا قىزمەتكەرلەرٸنە جاسالاتىن شابۋىلدار حالىقارالىق قاۋىمداستىقتىڭ الاڭداۋشىلىعىن كٷشەيتٸپ وتىر, دەپ حابارلايدى dalanews.kz.
The Guardian باسىلىمىنىڭ تالداۋىنشا, سوڭعى جىلدارى قارۋلى قاقتىعىستاردا اۋرۋحانالار, جەدەل جەردەم كٶلٸكتەرٸ مەن مەديتسينا قىزمەتكەرلەرٸ بۇرىنعىدان جيٸ نىساناعا اينالىپ كەلەدٸ. ساراپشىلار مۇنى حالىقارالىق گۋمانيتارلىق قۇقىقتىڭ ەلسٸرەۋٸمەن جەنە جاۋاپكەرشٸلٸكتٸڭ جەتكٸلٸكسٸزدٸگٸمەن بايلانىستىرادى.
1949 جىلعى جەنەۆا كونۆەنتسييالارى بويىنشا اۋرۋحانالار, مەديتسينالىق مەكەمەلەر, دەرٸگەرلەر, ناۋقاستار جەنە جەدەل جەردەم كٶلٸكتەرٸ ەرەكشە قورعاۋعا يە. الايدا حالىقارالىق قۇقىق نورمالارىنا قاراماستان, ولاردى قورعاۋ ٸس جٷزٸندە جيٸ قامتاماسىز ەتٸلمەي وتىر.
زەرتتەۋلەرگە سەيكەس, 2024 جىلى ەلەمنٸڭ 33 ەلٸندە دەنساۋلىق ساقتاۋ نىساندارىنا 2 500-دەن استام شابۋىل تٸركەلگەن. ەڭ كٶپ وقيعالار ۋكراينا, گازا, ليۆان جەنە سۋداندا بولعان. مۇنداي شابۋىلدار مەديتسينالىق كٶمەكتٸڭ توقتاۋىنا, اۋرۋحانالاردىڭ جابىلۋىنا جەنە بەيبٸت تۇرعىنداردىڭ ٶلٸم-جٸتٸمٸنٸڭ ارتۋىنا ەكەلٸپ سوققان.
ەسٸرەسە ليۆاندا مەديتسينا قىزمەتكەرلەرٸنە جاسالعان قايتالاما سوققىلار حالىقارالىق ۇيىمداردىڭ الاڭداۋشىلىعىن تۋعىزدى. قۇتقارۋشىلار العاشقى جارىلىستان كەيٸن كٶمەككە كەلگەن كەزدە تاعى بٸر سوققى جاسالاتىن جاعدايلار تٸركەلگەن. يزرايل مۇنداي وپەراتسييالاردى قارۋلى توپتاردىڭ مەديتسينالىق كٶلٸكتەردٸ پايدالانۋى تۋرالى مەلٸمدەمەلەرمەن تٷسٸندٸرسە, بٸرقاتار قۇقىق قورعاۋ ۇيىمدارى بۇل ايىپتاۋلاردى دەلەلدەنبەگەن دەپ باعالايدى.
ساراپشىلاردىڭ ايتۋىنشا, مەسەلە حالىقارالىق قۇقىقتىڭ جوقتىعىندا ەمەس, ونى ورىنداۋعا ساياسي ەرٸك-جٸگەردٸڭ جەتٸسپەۋٸندە. سونىڭ سالدارىنان حالىقارالىق قۇقىقتا قورعالاتىن نىساندارعا شابۋىل جاساعاندار كٶپ جاعدايدا جاۋاپكەرشٸلٸككە تارتىلمايدى.
