Memleket basshysy Qasym-Jomart Toqaev barlyq deńgeidegi máslihat depýtattarynyń III respýblikalyq forýmynda sóz sóiledi, dep habarlaidy Dalanews.kz.
Qasym-Jomart Toqaevtyń pikirinshe, ótken eki apta álemdik qoǵamdastyqqa dúrbeleń shyn máninde qanshalyq qaýipti ekenin ári tutqiyldan keletinin anyq kórsetken.
"Planetamyzdyń tirshiliginde turaqsyzdyq beleń aldy. Tipti ekonomikasy ilgeri, ornyqty memleketterdiń ózi áp-sátte jahandyq qaqtyǵystyń, ár nárseni óz atymen aitar bolsaq, soǵystyń ortasynda qaldy. Soǵys órti irgemizden, iaǵni Kaspii mańyndaǵy kórshiles el aýmaǵynan shyqty. Taiaý Shyǵystaǵy ahýal ýshyǵýy qazirdiń ózinde jahandyq qaýipsizdiktiń irgesin shaiqap, álem ekonomikasyna zardabyn tigizgeni anyq. Kóshbasshy memleketter jetekshileri arasyndaǵy senim daǵdarysy kúsheiýi, iri elder men bloktar jik-jikke bólinýi, yntymaq-birlikte ómir súrý psihologiiasy men printsipteri toqyraýǵa ushyraýy, halyqaralyq quqyq saqtalmaýy, BUU bedeli buryn-sońdy bolmaǵan deńgeige tómendeýi búgin bastan keship otyrǵan qaterli jaǵdaiǵa sebep boldy", - dedi Memleket basshysy.
Prezidenttiń aitýynsha, osydan on jyl buryn saiasatkerler álem jolairyqta turǵanyna, kimniń qalai baǵyt alatynyn bilmeitinine alańdaýshylyq tanytatyn.
"Al qazir jurttyń bári dúniejúzilik soǵys tabaldyryǵymyzda turǵanyn aityp otyr. Bul barlyq memlekettiń múddesine ziian keltirmek. Geosaiasi, áskeri, ekonomikalyq, tehnologiialyq jáne klimattyq syn-qaterler órshi túsip, álemdi ábigerge saldy. Osyndai kúrdeli kezeńde Qazaqstan azamattary sabyr saqtap, el ishindegi jáne tysqary jerlerdegi arandatýlarǵa boi aldyrmaýy kerek. Eń bastysy jaratqan bergen batyldyq, ar-namys, aqyl-parasat siiaqty qasietterimizdi tanytqan jón. Prezident retinde saiasi-diplomatiialyq tásilderdiń bárin qoldana otyryp, el qaýipsizdigin qamtamasyz etýge bar kúshimdi salamyn", - dedi Toqaev.
