Soǵys ardagerlerine qurmet kórsetildi
Búgin Almaty oblysynyń ákimi Amandyq Batalov 9 Mamyr – Uly Jeńis kúnine orai soǵys jáne eńbek ardagerleri úshinsaltanatty qabyldaý ótkizdi. Oǵan 200 ardager shaqyryldy. Qurmetti qonaqtardyTaldyqorǵan áskeri garnizony orkestriniń áskeri marshymen qarsy alyp, olarǵa gúl shoqtary men estelik syilyqtar tabys etildi. Foiede ardagerlerge arnalǵan fotostýdiia uiymdastyryldy, – dep habarlaidy Almaty oblysy ákiminiń baspasóz qyzmeti.
Kezdesý Jeńiske arnalǵan derekti film kórsetýden bastaldy. Ardagerlerdi quttyqtaǵan oblys ákimi A. Batalov maidangerler men tyl eńbekkerleriniń búgingi beibit ómirge jetý jolyndaǵy úlken úlesin erekshe atap ótti.
– Qurmetti ardagerler! Barshańyzdy alda kele jatqan Uly Jeńis kúnimen shyn júrekten quttyqtaimyn! Sizderdiń densaýlyqtaryńyz ben turmystaryńyzǵa qamqorlyq kórsetý – Prezidentimiz Nursultan Ábishuly Nazarbaevtyń aldymyzǵa qoiǵan mindetteriniń biri. Densaýlyqtaryńyz kútimde, ǵumyrlaryńyz igilikti bolýy úshin, aman-esen ortamyzda júrip, eldiń ósip-órkendegenine kýá bolýlaryńyz úshin biz barlyq jaǵdaidy jasaýǵa tyrysamyz. Elimizdiń búgingidei jetistikterge jetýine sizderdiń qosqan úlesterińiz zor. Oblystyń áleýmettik-ekonomikalyq damýyn syrttai baqylap, qajet jerinde aqyl qosyp, únemi qoldap otyrasyzdar, sol úshin sizderge alǵysymdy bildiremin. Sizderge myqty densaýlyq tileimin, 100 jaspen shektelmei odan da uzaq ǵumyr keshińizder, – dedi A. Batalov.
Óz kezeginde ardagerler – Eńbekshiqazaq aýdanynan Soltanbai Jaryqbasov, Sarqan aýdanynan Berlibek Ysqaqov, tyl eńbekkeri, Balqash aýdanynan Beisenbek Tóstikbaev sóz alyp, qatarlastaryna izgi tilekterin jetkizse, soǵys ardageri Sársenbai Qańtarbai aqsaqal kópshilikke bata berdi.
Merekelik shara kontserttik baǵdaralamamen jalǵasty.
Jalpy búginde Jetisý jerinde 138 Uly Otan soǵysynyń ardageri, 12 myńǵa jýyq tyl eńbekkeri bar.9 mamyr – Jeńis kúnine oblystyq biýdjetten árbir soǵys ardagerine 150 myń teńge kóleminde birjolǵy materialdyq kómek berildi.Ardagerlerge jáne basqa da sanattaǵy azamattarǵa shipajailarǵa tegin emdelýge biylǵy jyly 187,5 mln. teńge qarjy bólindi.Uly Otan soǵysynyń qatysýshylary men múgedekterin qosalqy jáne kómekshi quraldarmen qamtý úshin biýdjetten 2 mlrd. 830 mln. teńge, al kommýnaldyq qyzmetterge 16 mln. teńge qarjy qarastyrylǵan.
Almaty oblysy ákiminiń baspasóz qyzmeti
