Premer-ministrdiń birinshi orynbasary Nurlybek Nálibaev jumys saparymen Almaty qalasyna baryp, áýejai men temirjol vokzalyndaǵy jańǵyrtý jumystarymen tanysty, dep habarlaidy dalanews.kz.
Aldymen ol Almaty halyqaralyq áýejaiyndaǵy jobalardy aralady. Perron ǵimaraty, ushaqtardy muzdan tazartý alańy, júk turaqtary men ishki reister terminalyn qaita jańartý jumystary tekserildi.
Áýejaidy basqaryp otyrǵan TAV Airports Holding kompaniiasy aldaǵy bes jylǵa arnalǵan 360 mln dollarlyq damý josparyn bekitken. Josparda terminaldardy jańartý, ushý-qoný jolaǵyn jóndeý, jańa nysandar salý jáne avtoturaq turǵyzý qarastyrylǵan.
Nurlybek Nálibaev jumys qarqyny baiaý ekenin aityp, áýejai aýmaǵyndaǵy qurylys jumystaryn 1 shildege deiin aiaqtaýdy tapsyrdy. Onyń sózinshe, sozylyp ketken jóndeý jumystary týrister men jolaýshylarǵa qolaisyzdyq týdyryp otyr.
Sondai-aq, sheneýnik nóser jaýyn kezinde áýejaidy sý basqan jaǵdaiǵa da toqtalyp, mundai máseleler jaǵymsyz pikir qalyptastyratynyn aitty.
Budan keiin premer-ministrdiń birinshi orynbasary "Almaty-1" temirjol vokzalyndaǵy rekonstrýktsiia jumystaryn tekserdi. Ol “Qazaqstan Temir joly” jumysyndaǵy kemshilikterdi atap ótip, jóndeý jumystary tym baiaý júrip jatqanyn synǵa aldy.
Nurlybek Nálibaevtyń aitýynsha, vokzaldaǵy uzaqqa sozylǵan jóndeý jolaýshylarǵa qolaisyzdyq týǵyzǵan. Osyǵan bailanysty ol vokzaldaǵy jańǵyrtý jumystaryn jedel aiaqtaýdy tapsyrdy.
